2. раҳбар ходим ўзига ворис тайёрлаши ҳамма учун (РАҲбарга ҳАМ, ташкилотга ҳАМ, ворисга ҳАМ) ОҚилона ишдир

2. РАҲБАР ХОДИМ ЎЗИГА ВОРИС ТАЙЁРЛАШИ ҲАММА УЧУН (РАҲБАРГА ҲАМ, ТАШКИЛОТГА ҲАМ, ВОРИСГА ҲАМ) ОҚИЛОНА ИШДИР.

Шарипов Жамшид Дўстмуродович 15 йилдан бери оёқ кийим фабрикасини бошқаради. У 2 йилдан кейин нафақага чиқиб, ўзининг севган дала ҳовлисида қишлоқ хўжалик ишлари билан шуғулланмоқчи. У тажрибали ходим бўлгани учун олдинроқ ўзининг ўрнига кимни қолдиришни ўйлаб, ўзига ворис тайёрламоқчи. Бу жуда ҳам зарур масала, чунки «Учқун» фабрикаси ҳозир оғир шароитда: ишлаб чиқариш ҳажми камайган, ишлаб чиқарилган оёқ кийимларнинг сифати паст бўлгани учун бозор касод, чет элдан келштирилган оёқ кийимлар билан рақобатга бардош беролмайди, натижада ишчилар уч ойдан бери иш ҳақи олишмаяпти, эски иш ускуналари янгиланиши керак. Раҳбар Шарипов Жамшид Дўстмуродович шу ҳолатларни ўйлаб, ўзининг ўрнига қоладиган одамни – ворисни олдиндан топиб, уни раҳбарликка тайёрлаш керак деб тушунади. Унда учта номзод бор. (Жадвалга қаранг)

Қўйидагича саволлар қўйилади:

1. 
   Шарипов Жамшид Дўстмуродовичга қандай маслаҳат берасиз, ўзининг ўрнига кимни қолдириш керак? Нима учун?
   
2. 
   Ҳар бир номзод учун уларнинг корхонани ривожлантириш режаларини ишлаб чиқинг.
   

№	Асосий маълумотлар	Исми-шарифи
		Турдиева Н.Ю.	Азаматов Ш.Э.	Мингбоев Т.Қ.
1.	Ёши
2.	Маълумоти	Олий	Олий	Олий
3.	Лавозими	Иқтисодчи-муҳандис	Технология муҳандиси	Механик муҳандис
4.	Иш тажрибаси	Таъминот бўлим бошлиғи (1 йил), бош директор (3 йил), ТОО Горизонт (металл эшиклар ўрнатиш ташкилоти), 15 йил қуролли кучларда хизмат, иқтисодчи, полк финанс бўлим бошлиғи.	Бош технолог (5 йил), бош технолог ёрдамчиси (1 йил). Цех бошлиғи (3 йил). Таъминот муҳандиси (3 йил), технология муҳандиси (ҳаммаси шу ташкилотда «Учқун» да).	Бош муҳандис (11 йил), бош муҳандис (4 йил), ишлаб чиқариш бўлим бошлиғи (5 йил). Цех бошлиғи (4 йил). Бригадир (3 йил), токар-6 йил (ҳаммаси металл-конструкция заводида).
5.	Ўзаро муомала (коммуникация)	Яхши	Аъло	Ўртача
6.	Жамоада обрўси	Ўртача	Юқори	Юқори
7.	Аналитик қобилияти	Яхши	Ноёб	Яхши
8.	Бир сўзлилик	Ноёб	Юқори	Юқори
9.	Тиришқоқлик, ғайратлилик	Яхши	Аъло	Ноёб