Ўзбекистон республикаси олий ва ўрта махсус таълим вазирлиги низомий номидаги тошкент давлат педагогика

Назорат учун савол ва топшириклар: 
1. Ривожланиш ва шахс ривожланишини таърифланг.
2. Қуйидаги фикрларга қўшиласизми? “Агар болалар мунтазам танқид 
қилинса, алдашга ўрганади”; “Агар болалар қандай бўлса, шундайлигича қабул 
қилинса, дунёни гўзал кўришга ўрганади”; “Агар болаларга хурмат билан 
муносабатда бўлинса, улар олижаноб ва саҳий бўлишни ўрганишади”.
3. Шахс фаолияти ҳақида сўзлаб беринг.
4. Мактабгача ёшдаги болаларнинг ривожланиш хусусиятларини 
тавсифланг.
5. Шахснинг ижтимоийлашувини қандай тушунасиз? 
 
 
 
 
 
РЕЖА: 
1. Болалар жамоаси ҳақида тушунча.
2. Бола шахсини тарбиялашнинг шарт - шароитлари. 
3. Болалар жамоасининг шаклланишига ёрдам берувчи омиллар.
1. Болалар жамоаси ҳақида тушунча. 
Жамоа сўзи лотинча “коллективус” сўзининг таржимаси бўлиб, 
йиғилма, омма, биргаликдаги мажлис, бирлашма, гуруҳ маъноларини 
англатади. Ёки жамоа деганда кишилардан иборат гуруҳ тушунилади. Жамоа ва 
жамоа орқали тарбиялаш тарбия тизимида алоҳида аҳамият касб этадиган 
тамойиллардан биридир. Боланинг ҳар томонлама ривожланиши ва шахс 
сифатида шаклланишида жамоанинг етакчи ўрин тутиши ҳақидаги фикр 
педагогика фанининг ривожланиш даврларидаёқ билдирилган. Шунинг учун 
ҳам болалар жамоасининг ривожланиш педагогик жиҳатдан бошқариладиган 
жараёндир. Жамоага раҳбарлик қилишнинг асосий вазифаси педагогик 
ёндашишнинг илмий асосланган тизими ёрдамида жамоа аъзоларини 
тарбиялаб, вояга етказишдан иборат. Жамоанинг тарбиявий вазифалари унинг 
аъзолари олиб борадиган мазмунли билиш, алоқа фаолияти жараёнида амалга 
оширилади. Жамоада болалар, энг аввало, муомала меъёрларини амалда 
ўзлаштирадилар, ўз хатти-ҳаракатларини бошқа одамлар манфаатларига 
мувофиқ тарзда қуришни, режали ва адолатли бўлишни ўрганадилар. Болалар 
жамоаси турли ёш босқичларида муайян хусусиятларга эга бўлган ҳолда тобора 
ривожланиб борувчи тизимдир.
Жамоа ижтимоий жамоанинг бир қисми ҳисобланиб, кишидан маълум