ўзига хос томонлари
..................................................................................... 141
IX боб. Хорижий давлатларнинг банклари билан Ўзбекистон
Республикаси банклари ўртасидаги молиявий алоқалар:
муаммолар ва ривожланиш истиқболлари
.............................................. 153
X боб. Халқаро молиявий-иқтисодий инқироз ва унинг халқаро
ва миллий банк тизимига таъсири : келиб чиқиш сабаблари,
оқибатлари ва унинг олдини олиш борасида кўрилган
халқаро ва миллий давлатларнинг чора-тадбирлари
.............................167
АДАБИЁТЛАР РЎЙҲАТИ
......................................................................183
5
Кириш
Халқаро валюта-кредит муносабатларини чуқур ўрганишда хорижий
мамлакатларда банк иши фани мустақил илмий ва ўқув фани сифатида
алоҳида аҳамият касб этади. Ушбу фан кўп қатламли Жаҳон банк тизими
тузилишини ўргатади, алоҳида давлатларда унинг ўзига хос томонларини
очиб беради ва бу борада ҳар бир ривожланган давлатда асрлар давомида
орттирилган тажрибаларни ўрганишга имкон яратади. Ғарб давлатлари банк
тизими билан Ислом банклари тизимини солиштириш ва уларнинг бир-
биридан тубдан фарқ қилиши ҳамда афзалликларини мавжудлигини очиб
беради. Халқаро даражада глобал трансмиллий банкларнинг пайдо бўлиши
сабаблари ва давлатлараро капитал ҳаракатида уларнинг роли очиб берилади.
Халқаро банк операциялари валюталарда ҳисоб-китобларни амалга
оширишдан, валюта маблағларини жалб қилиш ва банклар томонидан
молиялаштиришдан, бунда халқаро валютада бериладиган кредитлардан,
лизингдан, факторингдан, форфейтингдан, лойиҳаларни молиялаштиришдан,
банкларнинг қўшилиб кетишидан ва бирлашишларидан иборат.
Ривожланган давлатлар банк тизимида кечаётган глобаллашув жараёнлари
қонуниятлари, унинг ижобий ва салбий оқибатлари таҳлилий маълумотларда
асослаб берилади. Фанда асосий эътибор халқаро нокредит хизматларини
атрофлича ўрганишга ҳаракат қилинган, чунки, кейинги вақтда унинг
аҳамияти ва банк операцияларида улуши тобора ортиб бормоқда.
Шундай қилиб, ушбу ўқув қўлланма ўқув стандартларига ва хорижий
мамлакатларда банк иши дастурига мос келибгина қолмай, балки
ривожланган давлатларнинг халқаро банк фаолиятида тўпланган билим
шаклидан иборат, унда ҳозирги замон таҳлили, прогнозлаш усуллари ҳамда
йиғилиб қолган амалий муаммоларни ечиш йўллари таҳлил қилинган.
Валюта ва кредит бозорини тартибга солишнинг халқаро механизми ҳамда
дастаклари ёрдамида самарали бошқаришнинг халқаро тажрибалари алоҳида
кўрсатилган, уларга таянган ҳолда банклар ва фирмалар ўзларининг
стратегик сиёсатларини қайта режалаштириш имконига эга бўладилар ҳамда
халқаро молия бозорида кейинги йилларда содир бўлган молиявий ва
иқтисодий инқироз оқибатларини тезроқ бартараф этиб, келгусида молиявий
барқарор юксалишга эришиш учун халқаро банк тизимида тўпланган
инновацион ғояларга таяниб ривожланиш имкониятини кўриб чиқадилар.
6
Do'stlaringiz bilan baham: |