Microsoft Word ece. Cep. 156. Uzbek doc

2.4 
Экологик рухсатлар 
Экологик рухсатлар қаторига атрофдаги ҳаво, сув ҳавзалари ва чиқинди учун алоҳида ишлаб чиқилган 
эмиссия чегаравий қийматлари киради. Эмиссия чегаравий қийматларини ТМДҚ ДЭЭ асосида 
тасдиқлайди. ДЭЭ қилиниши шарт бўлган режаланган фаолият учун АМТБ ҳисоботида беришган 
ижобий хулоса экологик рухсат билан баробар. 
Атроф ҳаво ва сув ҳавзаларига чиқариладиган моддалар эмиссияси, шунингдек чиқиндиларни йўқ 
қилишнинг чегаравий қийматларини кўриб чиқиш ва тасдиқлаш жараёни ДЭЭ тартиб-қоидалари билан 
мос равишда ва масъулияти I- ва II-тоифалар учун ТМДҚ Давлат экология экспертизаси 

---

39 
департаментига, III- ва IV-тоифалар учун вилоят, Корақалпоғистон Республикаси ва Тошкент шаҳри 
атроф-муҳитни муҳофаза қилиш ҳудудий қўмиталарига юкланган ҳолда белгиланади. Чиқинди чиқариб 
ташлаш лимитлари беш йиллик муддатга тасдиқланади, стандарт эмиссия лимити қийматлари I, II, III-
тоифа корхоналари учун уч йил муддатга тасдиқланади. Эмиссия рухсатлари ифлосланишнинг олдини 
олиш ва уни назорат қилишга интеграллашган ёндашувга асосланган эмас. Ҳавога эмиссия, сув 
ҳавзаларига оқизиш ва чиқариб ташланадиган чиқинди стандартларини ҳисоблаш турли ёндашувларга 
асосланган. Стандартлар турли муддатларга тасдиқланади ва ТМДҚнинг икки департаменти 
(Атмосфера ҳавосини муҳофаза қилиш бош бошқармаси ва Ер ва сув ресурсларидан фойдаланишни 
назорат қилиш бош бошқармаси, шунингдек, таҳлилий назорат ихтисослашган инспекциялари) 
мувофиқликни назорат қилади. 
Услубга асосланган уч поғонали кўрсаткичлар ташлаш лимит қийматларини ҳисоблаш учун 
қўлланилади, рухсат этилган концентрация (MAC) кўрсаткичлари эмас. Иш сифати кўрсаткичлари 
қуйидаги шартлар асосида эришилади: 
• 
Корхонадаги тозалаш жиҳоз-қурилмаларнинг оптимал эксплуатацияси; 
• 
Мавжуд технологияларнинг энг яхшисини қўллаш; ва 
• 
РЭКстандартларига яқинлашадиган энг самарали тозалаш технологияларни қўллаш. 
Бу Европа Иттофоқининг Сув ресурслари бўйича асосий директивасида
5
кўрсатилган эришиб бўладиган 
кўрсаткичлар асосида ташламаларни стандартлаш сари қўйилган қадамдир. Ташламалар лимит 
қийматларини тасдиқлаш ТМДҚ берувчи сувдан фойдаланиш ва сув олиш рухсатига билан 
интеграллашган. Сув рухсатлари тизими Ўзбекистонда биринчи АҲШдан бери ўзгартирилмади. Сув 
рухсатномаларини бериш тўғрисида батафсил низом мавжуд эмас, ҳолбуки Вазирлар Маҳкамаси бундай 
чорани 1993 йил Сув ва сувдан фойдаланиш ҳақида қонунга биноан қабул қилиши керак эди. Шунинг 
учун сувдан фойдаланиш учун рухсатномаларни бериш ҳанузгача Сув ва сувдан фойдаланиш ҳақида 
қонуни ва Табиатни муҳофаза қилиш тўғрисида қонунларининг жуда қисқа қоидаларига асосланган.