Патологик

10.9. 
ЯЛЛИҒЛАНИШНИНГ АСОСИЙ КЛИНИК АЛОМАТЛАРИ 
 
Яллиғланиш муаммоси хакида гап юритилганда, айниқса ўткир яллиғланиш 
учун хос бўлган беш клиник аломатлар хақида тўхталиб ўтиш зарур. 
Яллиғланиши ташқи аломатлари қадим замонда Гален ва Цельс томонидан 
жуда аниқ ифодалаб берилган ва улар ўз қимматини ҳозиргача йўқотган эмас, сабаби 
шуки улар биргаликда мавжудлиги яллиғланиши диагнозини куйишга имкон беради. 
Яна шуниси ҳам борки, хар бир аломат маълум патогенетик механизмлар билан 
алоқадор равишда пайдо бўлади. 
Клиник аломатларга қуйидагилар кирадилар: 
1.
Қизариш (rubor) - яллиғланишнинг энг яққол клиник аломати бўлиб, у 
артериал гиперемия пайдо бўлиши билан боғлиқ. Бу вақт артериялар кенгайиб, 
оксигенга бой артериал қонни оқиб келиши кўпаяди, яллиғланган ерда функция 
қилаётган капиллярларнинг сони кўпаяди. Шуни таъкидлаш керакки, кучли веноз 
гиперемия ривожлана бошлаганда қизил ранг кўкимтир тусга айланади. 
2.
Қавариб чиқиш (tumor) - яллиғланган соҳанинг ҳажмини катталашувчи, бу 
бошланғич даврда артериал ва веноз гиперемия билан боғлиқ, яна бу перифокал 
яллиғланиш эдемаси (экссудация) ва инфильтратларни хосил бўлиши (лейкоцитлар 

---

195 
эмиграцияси) билан боғлиқ, яллиғланини кейинги даврларида пролиферациянинг ҳам 
аҳамияти бор. 
3.
Иссиқ чиқиши (cоlor) - яллиғланган жойда хароратни кўтарилиши, бир 
томондан артериал гиперемия билан, яъни иссиқроқ қонни кўп оқиб келиши билан, 
шунингдек яллиғланган ўчоқда моддалар алмашувининг ортиши билан боғлиқ. 
4.
Оғриқ (dolor) - яллиғланишнинг доимий аломатларидан бири яллиғланган 
ўчоқнинг оғришидир, бу аломат шу ердаги сезгир нервларнинг охирларини биологик 
фаол моддалар (айниқса кининлар, простагландин, рН ўзгариши гистамин, осмотик 
босим, дизиония ва ҳ.к.) билан қитиқланишидан, рецепторларни механик равишда 
яллиғланган ўчоқдаги қавариқ, яъни экссудат билан босилиши натижасида пайдо 
бўлади. 
5.
Функциянинг бузилиши (function laesa) - яллиғланишда одатда ҳамма вақт 
пайдо бўладиган аломат, баъзида шикаcтланган тўқимани функцияларини бузилиши 
билан чегараланиши мумкин кўпинча бутун организм азобланади, айниқса бундай 
холат яллиғланиш ҳаётий зарур органларда пайдо бўлганида кузатилади. 
Яллиғланиш жараёнида функцияларни бузилиши тўқималарнинг альтерацияси билан 
боғлиқ, яъни ҳужайраларни шикастланиши, моддалар алмашувининг бузилиши, қон 
айланишининг ўзгариши, яллиғланиш медиаторларининг тўпланиши, электоролитлар 
баланси, осмотик ва онкотик босим ўзгариши, пролиферация жараёнлари ва оғриқ 
пайдо бўлиши - мана шуларни ҳаммаси функцияни бузилишига олиб келади. Бундай 
шароитда функционал элементлар компонентлари демак орган ва яхлит организм 
функцияларни бажара олмайди.