Nizomiy nomidagi тoshkenт davlaт pedagogika universiтeтi maтyoqubova тozagul rajapovna alisher navoiy hayoтi va ijodi fani bo’yicha o’quv qo’llanma

Falsafiy-didaktik  chekinishlar.  «Saddi    Iskandariy”  dostonida  keltirilgan 
falsafiy  va  didaktik  chekinishlar  alohida  e’tiborga  molikdir.  Shoir  doston  bayon 
chizig’idan  tashqarida  ammo  u  bilan  bevosita  bog’liq  bo’lgan  fikrlarni  alohida 
boblarda keltiradi. Bu boblar ma’lum darajada umumlashma sifatida xizmat qiladi. 
Bunda  shoir  Iskandar  davridan  o’z  zamonasiga  ekskurs  qiladi.  Navoiy  bunday 
o’rinlarda  o’z  zamonasidagi    ijtimoiy  voqelik  bilan  bog’liq  qator  masalalarni 

---

 
152 
yoritib,  ularga  o’z  munosabatini  bildirgan,  davrning  muhim  va  hal  qilinishi  zarur  
bo’lgan savollariga javob    berishga    uringan
1
. Shoir ayrim o’rinlarda shohlar va 
sultonlar faoliyatiga oid fikrlarini ifodalab, ularni odillik va xalqparvarlikka, insof 
va to’g’rilikka chaqiradi.  
U inson xarakterining  muhim  belgilari:   oliy himmatlilik, mol-dunyoga ruju’ 
qo’ymaslik, saxovat, qanoat, yuksak ma’naviy yetuklik singari masalalarga alohida 
e’tibor beradi.  
Shoir  himmat  to’g’risidagi  bobda  himmatning  baland  bo’lishi  kishini  el 
o’rtasida obro’ va yuksak darajali bo’lishi haqida shunday  yozadi: 
 Birovkim, anga himmat o’ldi baland, 
 Erur olam azhli aro arjumand. 
          
Kishi nakdi gar bir qaro mis emas, 
Agar himmati bo’lsa, muflis emas, 
 
Ani angla mufliski, yo’q himmati,  
Chu yo’q himmati, yo’q aning hurmati. 
Misralarda  shoir  o’z  hayot  tajribalari,  umumiy  turmush  qoidalaridan  kelib 
chiqqan  holda  axloqiy  nizomning  qat’iy  qoidalarini  bayon  qilmoqda.  Navoiy 
bunday  qoidalar  unutila  boshlangani,  uning  o’rnini  tubanlik,  pastkashlik, 
manfaatparastliklar egallay boshlaganidan qattiq aziyat chekadi.  
Falsafiy-didaktik  chekinishlarda  shoir  ijtimoiy-siyosiy  masalalar  bilan  bir 
qatorda ta’lim-tarbiya, inson hulqi va odobiga oid masalalar ham e’tiborni qaratadi. 
Navoiy  bu  bobda  to’g’rilik  rostgo’ylik,  halollik  vafodorlik,  yaxshi  muomala, 
tadbirkorlik haqida so’zlaydi.  
Ko’rinadiki, falsafiy va, didaktik chekinishlarda Navoiy o’zining hayot, inson 
to’g’risidagi  ezgu  fikrlarini  bayon  etgan.  Bunda  insonga,  hayotga,  muhabbat, 
kishilarning  o’z  umri,  turmushini  yaxshilik  bilan,  mazmundor  va  go’zal 
kechirishiga undov yotadi.