Nizomiy nomidagi тoshkenт davlaт pedagogika universiтeтi maтyoqubova тozagul rajapovna alisher navoiy hayoтi va ijodi fani bo’yicha o’quv qo’llanma

Iskandar  obrazi  Navoiy  talqinida.  Iskandar  obrazi  Navoiyning  bir  necha 
asarida  uchraydi.  «Hayrat  ul-abror»  dostonining  o’n  to’rtinchi  maqolatidan  keyin 
Navoiy Iskan-darning butun dunyoni zabt etib so’ngra «xoli ilik bila olamdin rihlat 
markabin  surgoni»  to’g’risidagi  hikoyatni  keltiradi
1
.  «Тarixi  muluki  Ajam»
2
da 
Navoiy Iskandar haqida so’z yuritib, “Iskandar nisbatida ixtilof ko’ptur”, deydi  va 
ulug’ jahongir haqidagi ba’zi hikoyatlarni keltirgan.  
 Navoiy  «Saddi  Iskandariy»  dostonida  Iskandarning  jahongirlik  yurishlari 
tarixi  bilan  bevosita  bog’liq  tarzda  tamomila  yangi  obraz  yaratadi.  Shoir  o’ziga 
qadar  mavjud  bo’lgan  og’zaki  va  yozma  ma’lumotlarga  ijodiy  yondashib,  tarixiy 
Iskandardan  farqlanuchi  qahramon  siymosini  gavdalantiradi.  Asarda  shoirning 
adolatli  shoh  va  mukammal  jamiyat  haqidagi  orzu-niyatlari  Iskandar  obrazi  bilan 
bog’liq holda o’z aksini topadi.  
Doston  tarkibiy  tuzilishiga  ko’ra  o’ziga  xos  bo’lib,  89  bobdan  iboratdir.  Har 
bir bobda Iskandar bilan bog’liq biror voqea bayon etiladi. Shundan keyin falsafiy-
didaktik chekinishlar tarzidagi falsafiy fikrlar izhoridan iborat bir bob berilib, shoir 
fikrlarning  tasdig’iga  xizmat  kiluvchi  hikoyat  va  xulosa  tarzidagi  hikmat 
keltiriladi.  Hikmatlar  Iskandarning  Arastuga  bergan  savoli  va  Arastuning 
jahongirga javobidan iborat. Iskandar voqealarining bayoni lirik chekinishlar bilan 
tugallanadi.  Unda  shoir  avval  ayoqchiga,  so’ngra  mug’anniyga  va  oxirida  esa 
o’ziga murojaat qiladi.  
Navoiy  tasvirlagan  Iskandar  hech  bir  sulolaga  mansub  emas,  u  ota-onasidan 
ayrilgan  yetim  boladir.  Farzandsiz  shoh  Faylaqusning  tarbiyasi  tufayli  u  barcha 
fan,  hunarlarni  egallaydi.  Navoiy  dostonda  inson  shaxsini  shakllantirishda  ta’lim-
                                                           
1
 Бу ҳақда қаранг: Алишер Навоий. Мукаммал асарлар тўплами. 20 томлик. Ж.7. Хамса. Ҳарат ул-аброр. – 
Т.: Фан, 1991, 254 б. 
2
 Бу ҳақда қаранг. Алишер Навоий. Мукаммал асарлар тўплами. 20 томлик. Ж.16. – Т.: Фан, 2000, 215 б. 

---

 
149 
tarbiya, sharoit va muhit ekanini ta’kidlaydi. Shoir Iskandar xarakterini yuksak va 
munosib fazilatlar egasi qilib tasvirlaydi. 
Otasi  vafot  etgach,  xalqning  taklifi  va  iltimosiga  ko’ra  Iskandar  hukmdorlik 
taxtiga  o’tiradi  va    adolat  bilan davlatni boshqaradi.  U  mamlakatda  adolatli  tartib 
o’rnatadi, xalqning  arzi-dodini tinglaydi. Mazlumlarni  quvvatlab,  zolimlarga  jazo 
beradi. Iskandarning bu yo’sindagi faoliyati uning Doro Eron shohi ustidan g’alaba 
qozonganidan so’ng ham ko’rinadi. Doro xazinalari Iskandarning buyrug’iga ko’ra 
askarlar va elga ulashib beriladi. 
Iskandar  Farang,  Qrim,  Andalus,  Misr,  Iroq,  Arab,  Shom,  Хalab,  Yamanni 
egallaydi.    Makkani  ziyorat  qilib,  Forsni  fath  etgach,  shimol  sari  yurish  qiladi. 
Dashti  Qipchoq,  Os,  Rus,  Charkas,  Gurji  ellarini  zabt  etgach,  Iskandar  Sharqqa 
yurish  boshlaydi.  Farxor,  Movarounnahr,  Chigil,  Yag’mo,  Chin,  Hind  ellarini 
o’ziga  bo’ysundirgan  Iskandar  janubga  o’z  yurishlarini  boshlaydi.    Sind,  Kon, 
Muqron,  Хuroson,  Isfahon    kabi  yurtlarni  o’ziga  qaram  qiladi.  Qo’lga  kiritgan 
mamlakatlarida Iskandariya, Samarqand, Hirot, Roy shaharlarini bunyod qiladi.  
Bahor  payti  Iskandar  Chinu  Хitoyni  egallab,  o’z  qo’shini  bilan  Mag’rib  sari 
yo’l  oladi.  Mag’rib  elini  fath  etgach,  Rumga  ravona  bo’ladi.  Iskandar  qo’shini 
yo’lda  chumoliga  o’xshash  odamxo’rlar  guruhiga  duch  keladi.  Bu  joydan  sal 
narida  bir  go’zal  vodiy  bor  edi.  U  vodiyning  ikki  tomonida  ikki  tog’  -  biri  oltin, 
ikkinchisi  kumush.  Bu  yerda  juda  ulkan  qomatli  vahshiylar  yashaydilar.  O’sha 
vahshiy  guruh  ana  shu  xazinaning  ajdahosi  kabidir.  Ular  o’n  kun  uyg’oq  bo’lib, 
o’n kun uxlaydilar. Ular uxlab yotganda chumolisimon qavm ularga poyloqchilik 
qiladi.  Iskandar    olimlar    bilan    maslahatlashib,  u  yerda    yashovchi  aholini 
vahshiylar hurujidan saqlash tadbirini ko’ra boshlaydi. 
Iskandar vahshiylar guruhini o’ziga bo’ysundirgach, chumolivor qavmni yo’q 
qilmoqchi bo’ladi. Ammo vahshiylar iltimos qilib, uni bu fikridan qaytardilar. 
Iskandar  xarakterining  eng  olijanob  belgisi  uning  Iskandar  devorini  bino 
qilishidir.  Ya’juj-ma’jujlar  hujumidan  xonavayron  bo’lyotgan  Kirvon  xalqining 
g’amini  chekib, devor  qurdiradi.  Shu tufayli  vodiy  xalqi ofatdan qutuladilar.  Na-
voiy  o’z  dostonini  ana  shu  devorga  nisbat  berib  «Saddi  Iskandariy»  («Iskandar 

---

 
150 
devori»)  deb  atagani  ham  bejiz  emas.  Shoir  Iskandar  xalqparvarligining  oliy 
timsoli  qilib  shu  devor  qurilishini  olgan.  U  insoniyatni  ya’juj-ma’jujlar  kabi  balo 
va  ofatlardan  doimo  holi  bo’lishlarini  opzy  qilgan.  Navoiy  adolatli  hukmron 
xalqqa, elga hamisha g’amxo’rlik va mehribonlik otalik va fidokorlik qilishi kerak 
deb hisoblaydi.                            
Ya’juj-ma’jujlar  tog’
 
bilan  zulmat  o’rtasida  istiqomat  etardilar.  Ular  har  yili 
ikki marta o’z makonlaridan chiqib vodiyga yoyiladilar. Hamma yoqni xonavayron 
qilib, qo’lga tushgan narsalarni yeb, so’ng qaytib ketadilar. 
Iskandar  odam  yuborib,  Rus,  Shom  va  Rumdan  ustalar  keltiradi,  chuqur 
xandaqlar qazdirdi; mis, ruh qalay, bronza, temir, qo’rg’oshinni eritib tog’ jinslari 
bilan  qorishtirdi.  Iskandar  qo’shini  ya’jujlar  bilan  urush  qildi,  ularning  ko’pi 
o’ldirildi.  Ammo  Iskandar  qo’shini  ham  ko’p  talofat  ko’rdi.  Iskandarning 
buyrug’iga ko’ra muhandislar uzunligi o’n ming qarn, binosi besh yuz qarn devor 
qura  boshladilar.  Olti  oy  kecha-kunduz  qilingan  mehnat  natijasida  bu  devor 
bitkazildi. 
Devorning balandligi uch yuz qarn edi. Unga zinalar yasaldi va soqchixonalar 
qurildi.  Ya’jujlar  kelganlarida  ularning  tish-tirnoqlari  bu  devorga  o’tmadi. 
Iskandarning  buyrug’i  bilan  qo’shin  devor  ustida  turib  ularni  toshbo’ron  qiladi. 
Ya’juj-ma’jujlarning  ko’pi  halok  bo’ldi,  qolganlari  qochib  ketdi.  Shundan  sung 
shoh o’z sipohlari bilan Rumga keldi.          
Iskandar  bir  necha  vaqt  Rum  mamlakatida  turdi.  So’ng  u  okean  safarini 
ixtiyor qildi. Uning buyrug’iga ko’ra minglab kemalar yasalib, sakkiz yillik yarog’ 
va ozuqalar olinib, safarga chiqildi. Navoiy  okeanni sirlilikni saqlovchi, vahimali, 
tasodiflarga  boy  joy  sifatida  tasvirlaydi.  Navoiyshunos  A.  Erkinovning 
keltirishicha,  Navoiyning  suv  muhitining  shu  jihatlarini  qalamga  olishi  Iskandar 
xarakterini  yaratish  bilan  ham  bevosita  bog’liqdir.  Iskandar  qarshiliklarni  yengib, 
quruqlik  va  olamning  suvli  qismiga  shoh  bo’ldi
1
.  Iskandar  shishadan  sandiqqa 
o’xshatib yasalgan idishga o’tirib okean tubiga tushib uning barcha g’aroyibotlarini 
ko’radi. Yuz kundan so’ng u idishni suv ostidan arqon bilan tortib oladilar. Navoiy 
                                                           
1
 Эркинов А. Навоий пейзаж устаси. – Т.: Фан, 1988. 53 б.  

---

 
151 
bu  yerda  ayrim  mualliflar  fikrida  har  xilliklar  borligini    aytadi.  Okean        tubidan 
chikqach,  Iskandarda  go’yo    avliyolik  va    payrambarlik    alomatlari,  yuz  bergan 
emish. 
Bir yil o’tgach nihoyat, Iskandar o’z eliga yetib kelib qirroqqa chiqadi. Ammo 
suv    safarida  uning  salomatligi  yomonlashgan  edi.  Uning  kasali    zo’raya    borib,  
mamlakatni    boshqarishni    podshohlikning    odamlari      («muluki    tavoif»)ga 
topshiradi va vafot etadi. 
O’limi  oldidan  Iskandar  onasiga,  maktub  yo’llab,  onasi  huzurida  o’g’illik 
hurmatini  ko’rsata  olmaganidan  o’kinadi,  o’zining  o’limi  uchun  chuqur  motam 
tutmaslikni  vasiyat  qiladi.  Iskandarning  o’z  onasiga  o’limi  oldidan  yozgan 
maktubi, dostonning eng muhim va badiiy jihatdan yuksak bir qismidir. Maktubni 
jo’natgach, Iskandar o’z jasadini Iskandariyada dafn qilishni vasiyat qiladi. U dafn 
paytida qo’limni tobutdan tashqariga chiqarib qo’yingiz, tokim, jahonni egallagan 
bu qo’l dunyodan quruq ketayotgalini odamlar ko’rsinlar, deydi.  
Iskandarning  podshoh  va  inson  sifatidagi  ta’rifini  berishda  uning  ayollarga 
munosabati  ham  ma’lum  o’rin  tutadi.  U  Doroning  qizi  Ravshanakka  uylanadi  va 
unga  odob  bilan  muomala  qiladi.  Kalb  harorati  to’la  sevgisini  Kashmir  go’zali 
Mehrnozga bag’ishlaydi. Iskandar sevgilisining haqqoniy ta’nalarini vazminlik bi-
lan  tinglaydi.  Onaga  bo’lgan  mehr-muhabbati,  unga  yuragidagi  eng  ezgu 
tuyg’ularini  ifodalaganda  Iskandarni  oqil  va  donishmand  farzand  timsolida 
ko’ramiz. 
Iskandarning 
adolatparvarlik 
tadbirlari 
dastavval 
uning 
davlatini 
mustahkamlashga  qaratilgan  edi.  Chunki  u  oqil  podsho  sifatida  xalq  ahvoli 
yaxshilansa mamlakat obod, hayot farovon bo’lishini yaxshi tushunar edi.