Илмий тадқиқот асослари: 1000 саволга 1000 жавоб тошкент–2019

141 - САВОЛ: 
ИЛМИЙ УНВОН – БУ КИМЛАРГА 
БЕРИЛАДИГАН УНВОН?
ЖАВОБ: Илмий унвон – Олий ўқув юртлари ўқитувчилари ва 
илмий тадқиқот институтлари илмий ходимларига бериладиган 
унвон. 
Ўзбекистонда олий ўқув юртларида доцент ва профессор, илмий 
тадқиқот муассасаларида катта илмий ходим, профессор илмий 
унвонлари жорий этилган. 
Профессор, доцент ва катта илмий ходим унвони илмий 
даражаси бўлган ва олий ўқув юртлари ёки илмий тадқиқот 
муассасасида педагогик ёки илмий тадқиқот ишларини бажариш 
жараёнида етарли малака кўрсатган шахсларга олий ўқув юртлари 

---

110 
ёки илмий тадқиқот институтлари илмий кенгашлари тавсиясига 
биноан Ўзбекистон Республикаси Вазирлар Маҳкамаси ҳузуридаги 
Олий Аттестация комиссияси томонидан берилади. 
КЎРСАТМА: Илмий, илмий-педагогик ходимларни тайёрлашда 
уларнинг маданий-маърифий, илмий-маънавий ва интеллектуал 
салоҳиятини ҳар томонлама рўёбга чиқариш учун шарт-шароитлар 
яратиш ва уларнинг бу соҳадаги муваффақиятларини эътиборга 
олиш керак. 
142 - САВОЛ: 
ИЛМИЙ ХОДИМ – БУ ҚАНДАЙ МУ-
ТАХАССИС?
ЖАВОБ: Илмий ходим – илмий тадқиқот муассасалари ёки 
олий ўқув юртларида фаннинг бирор соҳаси бўйича тадқиқотлар 
олиб борувчи мутахассис. Ўзбекистонда катта илмий ходим 
унвони ва лавозими ҳамда кичик илмий ходим лавозими бор. 
Катта илмий ходим унвони фан доктори ва фалсафа доктори 
илмий даражасига эга, илмий ишлари эълон қилинган ва илмий 
тадқиқот муассасаларида мустақил илмий тадқиқот ишларини 
олиб борувчи шахсларга берилади. Бу унвонни талабгор ишлаб 
турган илмий муассаса илмий кенгаши тавсиясига кўра 
Ўзбекистон Республикаси Вазирлар Маҳкамаси ҳузуридаги Олий 
Аттестация комиссияси томонидан берилади. 
КЎРСАТМА: Илмий тадқиқот ишини олиб боришда уни нима 
учун олиб борилаётганлигини билиш ижодий фаолиятни самарали 
бўлишига олиб келади ва бу илмий ходимдаги ижодий фаолиятни 
янада маҳсулдор бўлишига туртки бўлади.