Илмий тадқиқот асослари: 1000 саволга 1000 жавоб тошкент–2019

650 - САВОЛ: 
ЭЛЕКТРОН ДАРСЛИК – БУ ҚАНДАЙ 
НАШР? 
ЖАВОБ: Электрон дарслик анъанавий дарсликдан фарқли 
ўлароқ, фанга тегишли материалларни динамик талқинда, яъни 
фойдаланувчи эътиборини жалб қилувчи турли ранглардан, 
мультимедиа, аудио ва видео анимациялар, гипер мурожаатлардан 
ўринли фойдаланган ҳолда тузилган ёхуд дастурлаштирилган 
дарсликдир. У компьютер технологиясига асосланган ўқув 
услубини қўллашга, мустақил таълим олишга ҳамда фанга оид 
ўқув материаллари, илмий адабиётларни ҳар томонлама самарали 
ўзлаштиришига мўлжалланган нашр. 
КЎРСАТМА: Ҳар қандай замонавий таълим олувчи элеcтрон 
дарсликлардан фойдалана олиши керак. Бунинг учун таълим 
олувчилар компьютер билан “тиллаша оладиган” бўлиши керак. 
651 - САВОЛ: ЭЛЕКТРОН КИТОБ – БУ ҚАНДАЙ НАШР? 
ЖАВОБ: Электрон китоблар – бу таълим тизимига CД–РОМ ва 
мультимедиа технологияларининг кенг жорий қилиниши, электрон 
китобларнинг ишлаб чиқилишига ва уларнинг таълим - тарбияда 
самарали қўлланилишига катта имкониятлар яратувчи нашр. 

---

425 
Электрон китоблар тўртта йўналишдан иборат бўлади. Улар: 
қомусий; маълумот берувчи; ўқитувчи; имтиҳон олувчи. 
Электрон китоблар ахборотларни фойдаланувчига етказиб 
бериш билан шуғулланади. 
КЎРСАТМА: Электрон китоблар тайёрлашда улар йўна-
лишидаги қуйидаги китоблар ҳам борлигини эсдан чиқармаслик 
керак: мультимедиали китоблар; яриммедиа китоблар; гипермедиа 
китоблар; 
интеллектуал 
китоблар; 
телемедиа 
китоблар; 
кибернетик китоблар. 
652 - САВОЛ: 
ЭКСПЕРТ ТИЗИМ ДЕГАНДА НИМАНИ 
ТУШУНАСИЗ? 
ЖАВОБ: Эксперт тизимлар – бу айрим мавзу (соҳа, йўналиш, 
жараён, ҳодиса ва шу кабилар) бўйича шароитни (муҳитни, 
ҳолатни) таҳлил этиш, аҳамиятли ахборотни танлаб олиш ва баъзи 
мумкин бўлган йўллардан воз кечган ҳолда энг мақбул қарор қабул 
қилиш ҳақидаги билимларни ёйиш ва улардан амалиётда 
фойдаланишни амалга оширишнинг усуллари ҳамда воситалари 
мажмуидан иборат. 
Эксперт тизимлар – мутахассисларнинг бой тажрибасига ва 
муайян соҳадаги бошқариш тажрибалари (усуллари, шакллари, 
воситалари, методлари, методологиялари ва шу кабилар)га 
асосланиб қарорлар қабул қилиш пайтида уларнинг энг мақбулини 
(қарорлар сони муаммога қараб турлича бўлиши мумкин) танлаш 
имкониятлари яратилади ва бу орқали қаралаётган муаммонинг 
оптимал ечимини топишга эришилади. 
КЎРСАТМА: Эксперт тизимлар билан иш кўрганда улар сунъий 
интеллект, билимлар базаси, эксперт, билимларни ўзлаштириш, 
мантиқий хулосалаш, тушунтириш ёки изоҳлаш, фойдаланувчининг 
интерфейси, тизимни яратиш модули ва қобиқлар асосида 
шаклланишини эътибордан четда қолдирмаслик керак.