Ўзбекистон республикаси бош прокуратура академияси коррупцияга қарши курашиш илмий-таълим маркази

Низомнинг 47 бандига асосан «Ўзбекистон Республикаси прокуратурасининг Фахрий 
ходими» кўкрак нишони билан тақдирланган прокуратура органлари ходимларига 
нисбатан хизматдан бўшатиш тарзидаги интизомий жазо фақатгина Ўзбекистон Республикаси 
Бош прокурорининг розилиги билан қўлланилиши мумкин. 
Ўзбекистон Республикаси Бош прокурори томонидан лавозимга тайинланган прокуратура 
органи ходими интизомий жавобгарликка тортилган ҳолларда, интизомий жазо қўллаш ҳақидаги 
буйруқ нусхаси Ўзбекистон Республикаси Бош прокуратурасига юборилади. 
Низомнинг 49 бандига асосан прокуратура органи ходими интизомий жазо қўлланилган 
кундан бошлаб бир йил мобайнида қайта интизомий жазога тортилмаса, у интизомий жазо 
олмаган деб ҳисобланади.
Қўлланилган интизомий жазо бу ҳақдаги буйруқ қабул қилинган кундан камида олти ой 
ўтгач, ушбу жазони қўллаган прокурор ёки юқори турувчи прокурор томонидан, ходим ўз 
хизмат вазифасини виждонан бажариб, хизматда ўрнак кўрсатса, муддатидан илгари олиб 
ташланиши мумкин. 
Интизомий жазо мавжудлиги прокуратура органи ходимининг лавозим бўйича юқори 
кўтарилишига ёки унга даражали унвон берилишига, шунингдек, раҳбарлик лавозимлари учун 
захирага киритилишига (бўлишига) тўсқинлик қилувчи ҳолат ҳисобланади.
Низомнинг 51 бандига асосан прокуратура органи ходими қўлланилган интизомий жазо 
устидан Ўзбекистон Республикаси Бош прокурорига буйруқ эълон қилингандан кейин икки 
ҳафталик муддатда шикоят қилиши мумкин. 
Шикоят келиб тушган кундан бошлаб ўн беш кун муддатда, қўшимча текширув ўтказиш 
зарур бўлган ҳолларда эса бир ойдан кечикмай кўриб чиқилади. 
Шикоят билан мурожаат қилиниши интизомий жазо ижросини тўхтатиб қўймайди. 
Низомнинг 52 бандига асосан Ўзбекистон Республикасининг Бош прокурори ўзига 
бўйсунувчи прокурорлар томонидан рағбатлантириш ва интизомий жазо қўлланишининг 
асослилиги ва қонунийлигини назорат қилиб боради ҳамда асоссиз ва ноқонуний буйруқларни 
бекор қилиш чораларини кўради. 

---

38 
Прокурор интизомий жазо қўллаш борасида ўзига берилган ваколат доирасидан четга чиқса 
ёки лозим бўлган ҳолларда жазо қўлламаса, интизомий жавобгарликка тортилади. 
Ҳарбий прокуратура ходимлари мазкур Низом ҳамда Ўзбекистон Республикаси Қуролли 
Кучларининг интизом Низомига мувофиқ интизомий жавобгарликка тортиладилар.