“Сервис” илмий-амалий журнал

Key words: agroservice services, incomes 
from rendering agroservice services, cost 
price of agroservice services  
 
 
Ш.У.Азизов – ТМИ доценти 
 
БОЖХОНА АУДИТИ МЕТОДОЛОГИЯСИНИ РИВОЖЛАНГАН 
МАМЛАКАТЛАР ТАЖРИБАСИ ВА УНИ ЎЗБЕКИСТОНДА ҚЎЛЛАШ 
ИМКОНИЯТЛАРИ 
Аннотация. мақолада божхона аудитини ташкил этиш ва ўтказиш бўйича ривожланган 
ғарб мамлакатлари тажрибасида самарали қўлланилаётган илғор методология ва улар 
тажрибасини Ўзбекистонда қўллаш имкониятлари очиб берилган. 
Калит сўзлар: ташқи савдо, экспорт, импорт, ялпи ички маҳсулот, ташқи савдо 
айланмаси, божхона расмийлаштирув тартиб-таомиллари, олтин-валюта заҳираси, 
божхона аудити, метод, методология, экспортёр, импортёр, тезкор жавобли аудит, товар 
божхона қиймати, транзакция, божхона декларацияси, божхона тўловлари. 
 
Сўнгги йилларда, ташқи савдо фаолиятини янада эркинлаштириш, ташқи 
бозорларда талаб юқори бўлган сифатли маҳсулотлар экспорти ҳажми ва 
турларини кўпайтириш, мамлакат ички бозорига киритилаётган импорт товарлар 
ҳажмини кескин қисқартириш чораларининг кўрилиши ҳамда тадбиркорлик 
субъектларининг рақобатбардошлигини ошириш ва молиявий барқарорлигини 
таъминлаш мақсадида қатор иқтисодий ислоҳотлар амалга оширилмоқда, 
амалдаги норматив-ҳуқуқий ҳужжатлар[1, 2]га қўшимча ва ўзгартиришлар 
киритилмоқда, янгилари қабул қилинмоқда. 
Шунингдек, барча юридик ва жисмоний шахслар, айниқса ТИФ 
қатнашчилари, экспорт ва импорт операцияларини амалга оширишлари учун 
зарур бўлган хорижий валютани тижорат банкларидан чекловсиз сотиб олиш ва 
эркин сотиш имконига эга бўлди. Натижада, чет эл валютасининг олди-сотди 
операциялари ҳажми либерализация даврига нисбатан 1,5 баробар ошиб, ўртача 
1,3 миллиард долларни ташкил этди, давлатимизнинг олтин-валюта заҳиралари 
йил давомида 1,4 миллиард долларга кўпайди(1-жадвал).