“Сервис” илмий-амалий журнал

Д (ғ.ў.) = Их* Сб.и.= 100*250000= 25 000 000 сўм. 
Бу ерда: Их – кўрсатилган хизмат ҳажми, яъни ўрилган ер майдони (га); 
Сб.и – бир бирлик хизмат учун белгиланган тариф. 
Ғалла ўриш хизматларини кўрсатувчи МТПларда ушбу хизматлар бўйича 
кўрсатилган хизматлар ҳажми ва бир бирлик хизмат учун тўлов тарифи фермер 
хўжалиги билан тузиладиган шартномада белгиланади, ҳақиқатда кўрсатилган 
хизматлар ҳажми ва қиймати эса ғаллани ўриб бериш бўйича хизматларни 
топшириш-қабул қилиш далолатномаси ҳамда счет-фактурада ўз аксини топади. 
Ерни экишга тайёрлаш хизматлари деганда фермерларга уларга 
ажратилган ер майдонларини техника ёрдамида ҳайдаш, шудгорлаш, жуяк олиш 
кабилар тушунилади. Ушбу хизматлардан олинадиган даромад ҳам иккита 
кўрсаткич асосида тан олинади. Булар:
1) экин экишга тайёрланган ер майдони;
2) бир гектар ерни ҳайдаш, шудгорлаш ва жўяк олиш учун тариф 
ставкалари.
Ерни экишга тайёрлаб бериш (ҳайдаш, шудгорлаш ёки жўяк олиш) бўйича 
кўрсатиладиган хизматлар ҳажми ва бир бирлик хизмат тури учун тўлов тарифи 
юқоридаги сингари фермер хўжалиги билан тузиладиган шартномада 
белгиланади. Ушбу шартномаларни тузиш учун МТПларда турли қишлоқ 
хўжалик техникалари ёрдамида ерни экишга тайёрлаб бериш (ҳайдаш, шудгорлаш 
ёки жўяк олиш) бўйича кўрсатиладиган хизматларнинг бир бирлиги таннархи 
ҳамда шартнома (сотиш) қийматлари ҳисоб-китоб қилинади. Айнан ушбу ҳисоб-
китоблар ерни экишга тайёрлаб бериш (ҳайдаш, шудгорлаш ёки жўяк олиш) 
бўйича кўрсатиладиган хизматлар тўғрисида шартномаларни тузишга асос 
бўлади. Ерни экишга тайёрлаб бериш (ҳайдаш, шудгорлаш ёки жўяк олиш) 
бўйича ҳақиқатда кўрсатилган хизматлар ҳажми ва қиймати эса тегишли 
хизматларни топшириш-қабул қилиш далолатномалари ҳамда счет-фактураларда 
ўз аксини топади. Ушбу хизматлардан олинган даромад суммаси экишга 
тайёрлаб берилган (ҳайдалган, шудгорланган ёки жўяк олинган) ер майдонининг 
гектардаги миқдорини (айтайлик 100 га) бир гектар ерни экишга тайёрлаш 
(ҳайдаш, шудгорлаш ёки жўяк олиш) учун белгиланган тарифга (айтайлик 240 
минг сўм) кўпайтириш орқали топилади. Мос равишда, ушбу хизматлардан 
олинган жами даромад суммаси 24 000 000 сўмни (100*240000) ташкил этади.
Экиш хизматлари деганда фермерларга уларга ажратилган ер майдонла- 

---

“Сервис” илмий-амалий журнал
2018 йил 2-сон 
123
рига техника ёрдамида уруғликни (ғалла, чигит ва бошқаларни) ерга қадаб бериш 
тушунилади. Ушбу хизматлардан олинадиган даромад ҳам иккита кўрсаткич 
асосида тан олинади. Булар: 1) экин экилган ер майдони (айтайлик 100 га); 2) бир 
гектар ерга уруғни экиб бериш учун белгиланган тариф ставкаси (айтайлик, 
ёқилғи сарфисиз, ўртача 36500 сўм). Мос равишда, ушбу хизматлардан олинган 
жами даромад суммаси юқорида келтирилган иккита кўрсаткичнинг кўпайтма-
сидан ҳосил бўлган суммадан (бизнинг мисолимизда 3 650 000 сўм) иборат 
бўлади.