Toshkent davlat yuridik instituti fuqarolik huquqi

2-§.  O m onat  saqlashning  alohida  turlari

2.1.  Lombardda  omonat  saqlash  (shartnomasi)

Fuqarolik  kodeksining  894-moddasida  lombardda  omonat  saqlash 

nazarda  tutilgan.  Unga  ko'ra:

www.ziyouz.com kutubxonasi

---

Lombardda  omonat  saqlash  uchun  fuqarolardan  shaxsiy  iste’molga 

mo'ljallangan  ko'char  ashyolar  qabul  qilinishi  mumkin.

Ashyoni lombardda omonat saqlash shartnomasi lombard tomonidan 

yuk  topshiruvchiga  (mijozga)  uning  nomi  yozilgan  saqlov  pattasi  berish 

yo'li  bilan  rasmiylashtiriladi.

Lombardda  omonat  saqlash  shartnomasiga  muvofiq,  fuqarolar 

o'zlariga  tegishli  bo'lgan  iste’mol  qilinmaydigan  ashyolarni  haq  evaziga 

kelajakda  ashyoni,  mulkni  egasiga  qaytarish  sharti  yoki  mulk  egasi 

qaytarib  olish  sharti  bilan  topshiradi.

Lombard  shartnomasi  om m aviy  xarakterga  eta,  chunki  bu 

shartnomadan  qonun  hujjatlarida  boshqacha  hoi  qayd  qilingan  bo'lmasa, 

hamma  fuqarolar  foydalanish  huquqiga  ega.

Lombardlar  maxsus  ruxsatlar  asosida  faoliyat  ko'rsatadilar,  ularni 

tashkil  qilish  hamda  bekor  qilish  tegishli  organlar  va  qonun-qoidalar 

asosida  amalga oshiriladi.

Ayrim  turdagi  ashyolarni  lombardlarga  qabul  qilishda  maxsus 

qoidalar  tatbiq  qilish  asosida  rasmiylashtiriladi.

Lombardlarga fuqarolar tomonidan ashyolarni topshirish ular o'rtasida 

tuziladigan  shartnomalarga  asosan  amalga  oshiriladi,  ashyoni  topshirish 

vaqtida  tegishli  kvitansiya  (patta)  ashyoni  topshirgan  tarafga  beriladi.

Lombardga  ashyoni  topshirish  vaqtida  topshirilayotgan  narsani 

baholash  asosida  qabul  qilinadi.  Topshirilayotgan  ashyoni  baholash  qabul 

qilish  vaqtidagi  narxlar  asosida  amalga  oshiriladi.

Lombard  saqlash  uchun  qabul  qilingan  ashyolarni  FK  894- 

moddasining  uchinchi  qismiga  muvofiq  chiqarilgan  narxning  to'liq 

summasida  o'z  hisobidan  yuk  topshiruvchi  foydasiga  sug'urtalashi  shart.

Lombardlarda  ashyolar  qonun  hujjatlari,  shartnomalar  va  tegishli 

qoidalarga  muvofiq  aniq  belgilangan  muddatlar  asosida  saqlanadi.

Fuqarolik  kodeksining  895-moddasiga  muvofiq  yuk  topshiruvchi 

ashyolarni  qaytarib  olishdan  bosh  tortgan  taqdirda,  lombard  ularni 

uch  oy  mobaynida  saqlab  turishi  shart.  Bu  muddat  o'tganidan  keyin 

talab  qilib  olinmagan  ashyolar  lombard  tomonidan  Fuqarolik  kodeksi 

289-moddasining  ettinchi  qismida  belgilab  qo'yilgan  tartibda  sotilishi 

mumkin.

Ashyolarni  sotishdan  tushgan  puldan  saqlash  haqi  va  lombardga 

tegishli  boshqa  to'lovlar  qoplanadi.  Pulning  qolgan  qismi  lombard 

tomonidan  saqlov  pattasining  egasiga  u  taqdim  etilganida  qaytarib 

beriladi.

www.ziyouz.com kutubxonasi

---