Мавзу: Фуқаро муҳофазасининг умумий масалалари таснифи

 
Билим ва малакаларни босқичма-босқич шакллантириш услуби - 
машғулотларда ҳаракатларнинг намунали жадвалларини, ўқув-машқ 
ҳариталарини, чизмалар, фотосуратлар ва бошқалардан фойдаланишни 
назарда тутади. Бу услуб амалий ишларнинг тартибли равишда амалга 
ошишига имкон яратади. Ўқувчилар юқоридаги воситалардан фойдаланган 
ҳолда, ҳаракатларни аввал суст тезликда бажарадилар. Ўқув топшириқлари 
ўқувчининг шахсий нутқига таянган ҳолда бажарилади, яъни улар 
бажараѐтган ҳаракатларини овоз чиқариб олиб борадилар. 
Бу услуб бир вақтни ўзида билим ва малакаларни эгаллашга имкон 
яратади, бу эса ўқув жараѐнини самарадорлигини оширишга сабаб бўлади. 
Бу услуб янги техника ва қуролларни ўрганишда кенг қўлланилади. 
Маълумки, инсон хотирасида 10% ўқиганларини, 20% эшитганларини 
ва 30% кўрганларини сақлаб қолади. Бир вақтни ўзида эшитиш ва кўриш 
эса 50% материални хотирада сақлаб қолса, сўзланган нарсаларни 70% ни, 
сўзлаб ва ўша ҳаракатларни бажарса 90% ни сақлаб қолиши мумкин.

---

32 
Шунинг учун ҳам, ўз нутқига таянган ҳолда ўқув топшириқларини 
бажаришга асосланган бу услуб энг замонавий услублардан бири бўлиб 
ҳисобланади. 
 
Таянч режалар асосида ўқитиш услуби. Шаталин услуби деб 
номланган бу услубнинг мазмуни шундан иборатки, бу ерда ўқув 
материали таянч режалар асосида ўқувчиларга етказилади. Таянч режалар 
ўқув материалини муҳим томонларини, саналарни, таъриф, атама ва улар 
ўртасидаги алоқаларни ўз ичига олади. Бу услуб ѐрдамида ўқитишда ўқув 
материалини мустаҳкам ўзлаштирилишига, уни такрорлаш учун вақтни 
қисқартиришга эришилади. 
 
Мусобақа услуби – бу ҳаракат ѐки бирор бир усулни ким тезроқ ва 
яхши бажаришга йўналтирилган услубдир. У ўқувчиларда мусобақалашиш 
руҳини, фаолларга эргашиш, қолоқларга ѐрдам бериш каби хислатларни 
шакллантиришга ѐрдам беради. Мусобақа услуби ҳарбий иш асослари, ўт 
очиш, саф тайѐргарлиги ва бошқа предметлардан ҳаракат ва усулларни 
бажаришда, нормативлар топширишда қўлланилади.