Кичик гуруҳ (3-4 ёш)

Умумривожлантирувчи машқлар.
Қўл мускуллари учун. Қўлларни юқорига ва ёнга узатиш. Букиш ва чўзиш, қўлларни 
орқага яшириш, чапак чалиш бош устида чапак чалиш (предметлар билан) 

---

28 
Оёқлар учун. Турган жойида юриш, олдинга, орқага ён томонга қадам ташлаш, бир 
оёқда турган ҳолда иккинчи оёқни букиш ва ёзиш, ўтириб туриш, оёқ учида кўтарилиш 
товон билан туриш. Оёқ бармоқларини қимирлатиш, ётган ҳолда оёқларни велосипед 
қилдириш. 
Гавда машқлари. Ўнг ва чапга бурилиш, олдинга ва ён томонда энгашиш, тиззалаб 
ўтириш, товонда ўтириш ва туриш, қорин билан ётган ҳолда қўлларни узатиш ва оёқларни 
кўтариш ён бошдан ёнбошга ағдарилиш. 
Сафланиш ва қайта сафланиш. Доирага сафланиш, кетма-кет сафланиш, бир-бирини 
кетидан туриш.
 
Чиниқтириш ва соғломлаштириш. 
Эрталабки бадантарбия. Болаларни эрталабки бадантарбия вақтида 4-5 дақиқа 
давомида ўйин характеридаги машқларни бажаришга одатлантириш мақсадга мувофиқдир. 
Тарбиячига тақлид қилиб биргаликда ҳаракат қилиш кўникмасини ўстириш, ҳаракатли 
ўйинларда иштирок этишга ҳамда ўйин топшириқларини бажаришга ўргатиб бориш назарда 
тутилади. 
- ҳар куни эрталаб бадантарбия қилиш; 
- ҳаракатларни намунага мувофиқ бажариш; 
- бадантарбияни очиқ ҳавода, енгил кийимда бажариш; 
- эрталабки бадантарбия машқларини сув муолажалари билан тугаллаш 
(катталар кўмагида). Эрталабки бадантарбия машқларини аниқ ва изчил 
бажариш; 
Чиниқтириш. Бунда ҳаво, қуёш, сувдан фойдаланган ҳолда чиниқтириш тадбирлари 
амалга оширилади. Қуёшда чиниқтириш асосан эрталабки сайр вақтида болаларнинг турли 
фаолиятлари жараёнида амалга оширилади. Қуёшда дастлаб кун давомида 5 дақиқадан то 10 
дақиқагача бўлишлари, сўнг, аста секин 40-50 дақиқагача кўпайтиришлари мумкин.
Болаларни юз қўлларини мустақил ювишга одатлантириш, сувни сачратмаслик, 
совундан тўғри фойдаланиш, баданини хўл сочиқда артиш, ёз ойларида очиқ ҳавода иложи 
борича кўпроқ бўлиш, чўмилишга, душдан фойдаланишга ўргатиш. Очиқ сув ҳавзасида 
(бассейнда) чўмилиш (гигиена талабларига амал қилган ҳолда). Чўмилиш давомийлиги 3-6 
дақиқа. Чўмилиш эрталабки сайрдан сўнг тушликдан олдин ўтказилади.