Bolalar kasalliklari propedevtikasi

Sut sterilizatsiyasi. Barcha sun‘iy aralashmalarni tayyog‗lashda, ularni juda 
kuchli  qizdirib  yuborish  yaramaydi,  chunki  denaturatsiya  kelib  chikadi,  ya‘ni 
undagi  tirik  moddalar  vitamin  va  fermentlar  nobud  bo‗lishi  mumkin.  Lekin  xom 
sigir  sutini  (kafolatli  bolalar  sutiga  o‗xshamaydigan,  talabga  javob  bermaydigan) 
ishlatish  mutlaqo  noto‗g‗ri.  Oddiy  sigir  sutida  doimo  bo‗ladigan  bakteriyalarni 
yo‗qotish uchun uni qaynatish, sterilizatsiya va pasterilizatsiya qilish zarur. 
Uy  sharoitida  sutni  tozalash  uchun  qaynatiladi.  Bu  usulning  kamchiligi  — 
sutning  kuchli  denaturatsiyaga  uchrashidir.  Eng  samarali  usul,  sut  va  sutli 
aralashmalarni  shisha  idishlarda  sterilizatsiya  qilishdir.  Bu  idishlarga  bolaga  bir 
marta  berish  uchun  mo‗ljallangan  sut  solinadi.  Katta  sut  stansiyalarida 
sterilizatsiya  bor,  elektr  gaz  bilan  isitiladigan  maxsus  sterilizatorlarda  amalga 
oshiriladi.  Uy  sharoitida  yoki  kichik  bolalar  muassasalarida  maxsus  Soqsleng 
apparatida sterilizatsiya qilish mumkin. 
Bu apparatning tuzilishi: oddiy kastryulkaga 6—12 shishaga moslab uychali 
sim  o‗rnatilgan.  Unga  sut  darajasidan  balandroq.  qilib  iliq  suv  solinadi,  apparat 
qopqoq yopilib plita yoki primusga qo‗yiladi va 3—5 min. davomida qaynatiladi. 
Ko‗pgina  bakteriyalar  nobud  bo‗lishi  uchun  shuning  o‗zi  yetarlidir,  Bundan 
ko‗proq qizdirish sutning fizikaviy. kimyoviy xususiyatini va ta‘mini o‗zgartiradi. 
Agar sut shishada pasterizatsiyalansa, sut fermentlari yana ham kam parchalanadi, 
bunda u 65—75 S da 30—40 min davomida isitiladi. Isitilgandan keyin shishalar 
sovitiladi va muzdek joyda saqlanadi.