Bolalar kasalliklari propedevtikasi

Aralash  ovqatlantirish  qoidalari:  aralash  ovqatlantirish  aralashmani 
tayyog‗lash  texnikasiga  anik  rioya  kilingan  va  ovqatlantirish  shart-sharoitlariga 
to‗la  amal  kilingan  takdirdagina  ko‗ngildagidek  bo‗lishi  mumkin.  Aralash 
ovqatlantirishni samarali o‗tkazishda quyidagilarga ahamiyat berish kerak. 
Har kunlik ratsiondagi ovqatning to‗yimligigini, oqsil, yog‗, uglevodlarning 
kam  ko‗pligini  muntazam  ravishda  hisoblab  borish  kerak.  Aralash  ovqatlantirish 
samarasi bolaning jismoniy va psihologik jixatdan normal o‗sishida bilinadi. 
Aralash  ovqatlantirishda  sutkalik  ovqat  xajmi  tabiiy  ovqatlantirishdagi 
sutkalik ovqat xajmi bilan bir xil bo‗lishi zarur. 
Bolaga  moslashtirilgan  ustama  ovqat  berilsa,  kaloriya,  oqsil,  yog‗, 
uglevodlarga bo‗lgan talab tabiiy ovqatlantirishdek bo‗ladi. 
Aralash  ovqatlantirishda  umumiy  ovqatlantirish  soni  o‗zgarmaydi,  ammo 
uni samaradorligi aralashma turiga va ustama ovqat miqdoriga bog‗liq bo‗ladi. 
Bolani  aralash  ovqatlantirishda  moslashgan  yoki  moslashmagan  sut 
aralashmalarini  berish  muddati,  ovqatlantirish  texnologiyasi,  meva  sabzavot 
sharbatlarini,  pyurelarini  bera  boshlash  muddatlari  va  miqdori  yuqorida  ko‗rsatib 
o‗tilgan usulda amalga oshiriladi. 
Aralash ovqatlantirishda ko‗pincha qo‗shimcha ovqat bera boshlash muddati 
tabiiy ovqatlantirishga nisbatan 1 oy oldin amalga oshiriladi.