Jahon tarixi

8-§.  Niderlandiya  inqilobi
Niderlandiya  haqida.  XVI  asrda  Niderlandiya  hozirgi 
Belgiya,  Lyuksemburg,  Gollandiya  hududlari  hamda 
Fransiyaning  bir  qismidan  iborat  b o ‘lgan.  Antverpen 
shahri  (hozirgi  Belgiyada)  Niderlandiyaning  iqtisodiy va  savdo 
markazi,  ayni  paytda,  jahon  savdosining  markazi  ham  edi. 
Antverpen  Niderlandiyani  daryo  orqali  Germaniya  va  Fran­
siya,  dengiz  orqali  esa  Angliya  hamda  Skandinaviya  mam- 
lakatlari  bilan  bog‘lar  edi.  Antverpen  ko‘chalaridan  har  kuni 
kamida  2  mingta  savdo  furgonlari  (aravalari)  o‘tgan.  Turli 
mamlakatlardan  yuzlab  kemalar  shahar  portiga  kirib  kelardi. 
Bir so‘z bilan  aytganda,  Niderlandiya  sanoati,  savdosi,  qishloq 
xo‘jaligi  rivojlangan  boy  mamlakat  edi.  Biroq  u  mustaqil 
emasdi.  Ispaniya  uni  o ‘z  mulkiga  aylantirgan  edi.