Abdulla avloniy pandlar, hikoyalar, kitobidan

 

 

 

ILMSIZLIK BALOSI 

 

 

 

Bor edi bir kishi, xat bilmas edi bechora, 

 

 

Bo'ldi betob, yurak-bag'riga chiqdi yora. 

 

 

Ertasi o'g'lina aytdiki, ayo tifl adib, 

 

 

Bor, ketur boqmoq uchun qoshima bir yaxshi tabib. 

 

 

O'g'li kelturdi tabibni atosin qoshig'a, 

 

 

O'lturub boqdi tabib, ul dam, ayog'-u boshig'a. 

 

 

Iki xil doru yozib berdi o'shal bemora, 

 

 

Birini ichmak uchun, birisini surtora. 

 

 

O'g'li doru uyidan oldi iki shisha davo: 

 

 

Birisi sharbat edi, birisi og'uyi balo. 

 

 

Shisha ustinda davoning bor edi ta'rifasi,  

 

 

O'qumoqdan yo'q edi xastaning hech ma'rifasi.  

 

 

Shishalardan birini ushladi awal qo'lina,  

www.kitob.uz saytida elektron kitoblar, audio ertaklar, darsliklar mavjud

---

 

 

Ichdi sharbat debon og'uni - surardi dilina,  

 

 

Ul zamon bag'ri yonib, ayladi faryod-u fig'on,  

 

 

Bo'ldi bir necha nafas, so'ng tanidan joni ravon.  

 

 

Otasi o'ldi, o'g'il yig'ladi faryod aylab,  

 

 

Qo'shnisi olim edi, chiqdi belini boylab.  

 

 

Qildi o'g'lona nasihat, dedi: yey, tifl zabun,  

 

 

Ilmsizlikdan otang jonidan ayrildi bukun.  

 

 

O'qumoq, yozmoqi bilsaydi otang, ey o'g'lon,  

 

 

Balki boshiga qazo kelmas edi ushbu zamon.  

 

 

Quvvating borida xat bilmoq uchun qil harakat,  

 

 

San jadal qilsang, o'zi bergusi Alloh barakat.  

 

 

Ibrat ol, o'g'lim, otangdin, bo'lmag'il san yaramas,  

 

 

Qilmag'il umringni zoye, dema qish-yoz, o'qu, yoz!