Abdulla avloniy pandlar, hikoyalar, kitobidan

BO'RI ILA QO'ZI 

 

 

Bir Bo'ri suv ichmak uchun suv boshig'a keldi. Past tarafda suv ichub turgan 

bir  Qo'zini  ko'rdi.  Oni(ng)  bir  hiyla  bilan  tutib  yemakchi  bo'lub:  «Ey  yaramas, 

nima  uchun  man  ichodurgon  suvni  bulg'otursan?»  —  dedi.  Qo'zi:  «Afandim,  bu 

qanday so'z! Siz suvning yuqori yog'inda, man quyi yog'inda bo'lsam, man qanday 

suvni  bulg'aturman?!»  —  desa,  Bo'ri  yana  qichqirub:  «0'tgan  yil  san  maning 

otamni(ng) ham so'kkan eding. emdi manga ham qarshilik qilursan», — deb kelub, 

Qo'ziga yopushdi. Bechora Qo'zi: 

 

«Afandim!  Man  o’tgan  yil  otangizni  so'kmak  qayda,  o’zim  onadan  ham 

tug'ilg'onim yo'q edi», - desa ham: «Ha, nodon, holo ham adabsizlik qilursan», — 

deb bechora Qo'zini parcha-parcha qilib, yeb qo'ydi. 

 

Hissa: Yamonning kuchi yapaloqg'a etar. 

 

 

 

 

 

SHAYX  SA'DIY 

 

 

Shayx  Sa'diy  hazratlari  kichiklik  vaqtlarinda  otalari  ila  birga  sahar  turub 

ibodat qilur edilar. Bir kun uylariga bir necha mehmonlar kelub, yotub qolmish edi. 

Ul kecha turgan vaqtlarinda mehmonlarning «pish-pish» uxlab yotganlarin ko'rub, 

otalariga:  «Bular  qaydoq

1

  insondurlarki,  ibodat  uchun  hech  birlari  boshlarini 

ko'tarmaslar, ibodatdan g'aflatni yaxshi ko'rurlar ekan», - deganlarida, otalari: «Ey 

o'g'lum!  Ibodat  qilurman  deb  sahar  turub,  birovni  aybini  ko'rganingdan,  san  ham 

bular kabi toshdek qotib yotganing yaxshi edi», — dedilar. 

 

Hissa:  O'z  qabohatini  ko'rgan  kishini(ng)  o'zgalarning  qabohatlarini 

ko'rmakka vaqti bo'lmas.