Kartografiya va geovizuallashtirish

Indikatsiya  kartalari  yaxshi  o‗rganilgan  voqea  va  hodisa-lar  yordamida 
boshqa  hali  o‗rganilmagan  yoki  noma‘lum  hodisalarni  ochish  va  ularni  oldindan 
aytib berish uchun tuziladigan kartalardir. Masalan, qazilma boyliklarni shu joyda 
o‗sadigan  o‗simliklar  asosida  aniqlash,  er  osti  yoriqlarini  er  usti  relefining  ba‘zi 
xususiyatlariga qarab aniqlash va h.k.  
Prognoz  qilish  kartalari hozirgi  vaqtda ma‘lum  va  mavjud  emas,  bevosita 
o‗rganish imkoniyati bo‗lmagan voqea va hodisalarni tasvirlaydi. 
Masalan: 
•  vaqt  bo‗yicha  prognoz  natijalari  (ob-havo,  besh  yildan  keyin  atrof-muhit 
holati va boshqalar);  
•  fazo  bo‗yicha  prognoz  xulosalari  (respublika  hududlaridagi  neft  va  gaz 
konlarini prognoz qilish, boshqa sayyoralardagi voqealarni prognoz qilish).  
Prognoz  qilish  kartalarida  faqat  kelajakni  oldindan  aytib  berish  bilan 
chegaralanib  qolinmaydi,  balki  hozirgi  paytda  yaxshi  o‗rganilmagan  yoki  hali 
noma‘lum bo‗lgan voqea va hodisalar ham ko‗rsatilishi mumkin.  
Prognoz  qilish  kartalarini  oldindan  aytib  berish  ehtimoli  ishonchliligi 
bo‗yicha  qismlarga  ajratish  muhim  ahamiyat  kasb  etadi,  unga  ko‗ra  kartalarning 
quyidagi turlari ajratiladi: 
•  dastlabki  prognoz  qilish  kartalari  –  hodisalarni  barcha  shart-sharoiti  va 
bog‗liqliklarining  taxminan  o‗xshashligiga  ko‗ra    to‗liq  va  etarli  bo‗lmagan 

---

 
 
26 
ma‘lumotlar asosida prognoz qilish  va natijani kartada tasvirlash;  bunday kartalar 
asosan mayda masshtabda tuziladi; 
• ehtimoldan uzoq bo‗lmagan prognoz qilish kartalari – ancha detallashgan 
tahlil asosida asosiy o‗zgarish tendentsiyalari hisobga olinib, ishonchli o‗rnatilgan 
o‗xshashlik  va  bog‗liqliklar  asosida  tuziladi;  bu  ko‗pincha  o‗rta  masshtabli 
kartalardir;  
•  g‗oyat  ehtimoliy  prognoz  qilish  kartalari  –  hodisalarning  joylashishi, 
ko‗rsatkichlari,  yaqinlashish  va  faollik  ko‗rsatish  vaqti  yaqinlashganda  barcha 
omillar e‘tiborga olinib, ancha detallashgan va yirik masshtabda tuziladi;  
•  kelajakni  chamalash  kartalari  –  bu  g‗oyat  ehtimoliy    prognoz  qilish 
kartalarining eng yuqori holati bo‗lib, hodisaning kutilish  vaqti aniq ma‘lumotlar 
asosida bilingan va oqibatda nima sodir bo‗lishi prognoz qilingan kartalardir.