Х. С. Асатуллаев, Б. О. Турсунов, М. А. Маманазаров к

Асосий таянч тушунчалар 
Иқтисодий қонунлар, меҳнат унумдорлигини, ишлаб чиқариш кучлари, 
тўғридан-тўғри хорижий инвестиция, техника ва технологик қувватларини 
модернизациялаш, стратегик бошқарув, асосий фондлар, Тадбиркорлик 
субъекти, тадбиркорлик фаолияти. 
 
Такрорлаш учун савол ва топшириқлар 
1. «Корхоналарни ривожлантириш стратегияси» фанининг предметини 
ёритиб беринг. 
2. «Корхоналарни ривожлантириш стратегияси» фанини ўқитишнинг 
мақсади ва вазифалари нималардан иборат? 
3. «Корхоналарни ривожлантириш стратегияси» фанини иқтисодий 
фанлар тизимида тутган ўрни ва ўзаро иқтисодий фанлар билан 
алоқадорлиги. 
4. Фаннинг бозор ислоҳотларига хос вазифалари нималардан иборат? 
5. Корхоналарни ривожлантириш стратегияси моделларининг истиқбол 
режасига боғлиқлигига қандай омиллар таъсир кўрсатади.  
6. Ўзбекистонда корхоналар фаолиятини ривожлантиришнинг қонунчи-
лик асосларини қандай меъёрий-ҳуқуқий ҳужжатлар ташкил этади. 

---

19 
II-БОБ. КОРХОНАЛАРНИ СТРАТЕГИК РИВОЖЛАНИШИДА 
ТАДБИРКОРЛИК ТУЗИЛМАЛАРИНИНГ ИҚТИСОДИЙ 
БАРҚАРОРЛИГИ 
Мазкур бобда корхоналарни стратегик ривожланишини таъминлашда 
иқтисодий барқарорликнинг ўрни ва унинг ўзига хос йўналишлари, иқтисодий 
барқарорликни таъминлашнинг шарт-шароитлари ва омиллари, корхоналар-
нинг хўжалик фаолиятини тахлил қилиш тамойиллари билан боғлиқ жараён-
лар тадқиқ этилган. 
2.1. Корхонанинг иқтисодий барқарорлиги 
2.2. Иқтисодий барқарорлик ва самарадорлик 
2.3. Корхона хўжалик тизимининг самарадорлиги 
 
2.1. Корхонанинг иқтисодий барқарорлиги 
Иқтисодиётни барқарор ривожлантириш, фан-техника тараққиётини яна 
хам жадаллаштириш, ишлаб чиқариш салохиятидан оқилона фойдаланиш, 
ресурсларнинг хамма турларини хар томонлама тежаш ва ишлаб чиқаришни 
бошқаришнинг бозор иқтисодиёти қонуларига мос равишда олиб бориш 
мамлакатимиз иқтисодий стратегиясининг энг мухим таркибий қисмидир. Бу 
мухим вазифаларни бажариш учун корхоналарнинг ишлаб чиқариш ва 
хўжалик фаолиятини чуқур тахлил қилиш даркор. Тахлил корхоналарни 
бошқариш тизимида оралиқ босқични эгаллайди. Бу жараённи ушбу формула 
орқали ифодалаш мумкин: