Al-xorazimiy nomidagi urganch davlat universiteti

I-Bob. Xorazmshohlar -  Anushteginlar davlatining ma’muriy va 
saroy boshqaruv tizimining manbalarda va tarixiy  tadqiqotlarda 
aks  etishi. 
1.1.  Yozma manbalarda Anushteginlar davlati ma’muriy va saroy 
boshqaruv tizimi tarixining aks etishi.
O’rta  Osiyoga  arablarning  bosqini  va  islom  dinining  yoyilishi  natijasida 
musulmonlarning  tarixiy  tafakkuri,  islomiy  istoriografiya  va  istoriosofiyasi  ham 
kirib  kelishiga  sabab  bo’lgan.  Arab  xalifaligi  tarkibiga  kirgan  vatanimizning 
hududlaridagi  Somoniylar,  Qaroxoniylar,  Saljuqiylar,  G’aznaviylar,  G’uriylar, 
Xorazmshohlar  sulolalarining hukmronliklari yagona bir tarixiy jarayon,  aniqrog’i 
xalifalik  tarixi  doirasida  o’rganilib,  talqin  etilishi  kuzatiladi.  Jahon  tarixiga,  shu 
jumladan,  musulmon  olami  tarixiga  bag’ishlangan  barcha  asarlarda  mahalliy 
sulolalar,  yoki  xalifa  gumashtalari  tarafidan  tuzilgan  barcha  davlatlarning  tarixi 
xalifalik/islom davlatining ajralmas bir qismi sifatida yoritilgan.
Xalifalik  va  musulmon  davlatlarning  tarixiga  bag’ishlangan  muhim 
asarlardan  biri  -  bu  Abulhasan  Ali  ibn  Muhammad  ibn  Muhammad  ibn 
Abdulkarim  ibn  Abdulvohid  ash-SHayboniy,  ya’ni  Izzaddin  Ibn  al-Asir  al-Jazariy 
nomi bilan mashhur bo’lgan muarrixning “al-Komil  fi-t-tarix”  (Komil  tarix,  Tarixi 
komil)  nomli  asaridir.  Izzaddin Ibn al-Asir  al-Jazariy  13  may  1160  yili  (jumod  al- 
uvla oyining to’rtinchi kuni,  555  yili)  Dajla va Furot daryolarining yuqori  qismida 
joylashgan  Jazirat  Ibn  Umar  degan  mavzeda  olamga  kelgan36.  Ibn  al-Asirning 
otasi Abulkaram Muhammad ibn Muhammad ibn Abdalkarim ibn Abdalvohid ash- 
SHayboniy  Mosuldagi  Zangiylar  davlatining  yuqori  martabalik  amaldori  bo’lib, 
rais  ud-devon  unvonida  Mosul  vazirining  Jazirat  Ibn  Umarda  voliy  edi.  Davlat 
xizmatidan tashqari, buyuk muarrixning otasi boy tojir hamda Jazirat va Mosulning 
janubida joylashgan  Qasr  al-Harbdagi  katta  yer,  mulklarga  ega  edi.  Abulkaram 
Muhammadning  uchta  o’g’li  bo’lgani  ma’lum.  Ular  islom  olamida  buyuk  va 
mashhur  olimlar  sifatida  dong  taratgan.  Ulardan  Izzaddin  Ibn  al-Asir  o’rtancha