Toshkent moliya instituti lotin yozuviga asoslangan

15-mavzu: Matnlar ustida ishlash 

 

Ushbu matnlarni yangi alifoga o‘girib yozing. 

 

EXHT OLIY KOMISSARI TOShKENTDA 

 

 

Evropada Xavfsizlik va hamkorlik tashkilotining (EXHT) kam sonli millatlar ishlari 

bo’yicha oliy komissari Rolf Ekeus 5 fevral kuni O’zbekiston Respublikasi tashqi ishlar vaziri 

Sodiq Safoev bilan uchrashdi. 

 

Suhbat chog’ida mamlakatimizda istiqomat qilayotgan bir yuz yigirmadan ortiq millat va 

elat vakillarining teng huquqliligini ta’minlash, milliy urf-odatlarini saqlab qolish va 

rivojlantirish, ahillik, diniy bag’rikenglik tamoyillarini mustahkamlash borasida amalga 

oshirilayotgan ishlar xususida fikr almashildi. 

 

EXHT oliy komissari O’zbekiston hukumatining bu yildagi sa’y-harakatlariga yuqori 

baho berib, etnik jihatdan xilma-xil Markaziy Osiyo mintaqasida yashayotgan xalqlar o’rtasidagi 

birodarlik rishtalarini mustahkamlashda mamlakatimiz rahbari yuritayotgan siyosatning 

ahamiyati beqiyos ekanini ta’kidladi. 

 

Uchrashuvda, shuningdek, tomonlar O’zbekiston - EXHT hamkorligini yanada 

rivojlantirish, mamlakatimizda amalga oshirilayotgan ijtimoiy-siyosiy islohotlarni 

chuqurlashtirish borasidagi fikr-mulohazalari bilan o’rtoqlashdi. 

 

R.Ekeusning O’zbekiston Respublikasi xalq ta’limi vaziri R.Jo’raev bilan uchrashuvida 

mamlakatimizda kam sonli millatlar vakillarining ta’lim olishi, kitoblar, jumladan, darsliklar va 

o’quv qo’llanmalari bilan ta’minlanishi borasida amalga oshirilayotgan ishlar xususida gap 

bordi. 

 

EXHT oliy komissari O’zbekiston Baynalmilal madaniyat markazida bo’lib, ushbu 

muassasa faoliyati bilan yaqindan tanishdi. Mehmonga mamlakatimizda mavjud bir yuz o’ndan 

ortiq milliy-madaniy markaz faoliyati, ularning samarali ishlashi uchun yaratilayotgan shart-

sharoit, mazkur markazlar tomonidan amalga oshirilayotgan dastur va loyihalar xususida gapirib 

berildi.