M. F. Ziyayeva, O. Z. Rizayeva

 
6.7. Yashirin qonni aniqlash uchun najas yig‘ish  
(Gregersen reaksiyasi uchun)
 
 
Bola  3  kun  davomida  tayyorlanadi.  Quyidagilar  istisno 
qilinadi:
 
a) Ovqat moddalaridan tarkibida temir, go‘sht, baliq, jigar, 
ikra bo‘lgan taomlar, anor, bo‘tqalar, ko‘k sabzavotlar;
 

---

 
340 
b) Tarkibida temir moddasi bo‘lgan dori-darmonlar;
 
d)  Bolaga  tish  yuvish  taqiqlanadi,  og‘izni  2%  li  natriy 
bikarbonat eritmasi bilan chayish tavsiya qilinadi. 
 
1. Qo‘llar yuvib, quritiladi. 
 
2. Quyidagilar tayyorlanadi: keng og‘izli shisha idish, suyuq 
najas massalari uchun qoshiq yoki shpatel, tuvak va yo‘llanma. 
 
3.  Rezina  qo‘lqoplar  kiyiladi,  bola  yuvintiriladi,  qovuqni 
bo‘shatish taklif qilinadi, tuvak chetga olib qo‘yiladi. 
 
4.  Najas  tuvakka  yig‘iladi,  yangi  qon  aralashmasi  bor-
yo‘qligini  aniqlash  uchun  najas  ko‘zdan  kechiriladi.  Yashirin 
qon  aralashmasi  aniqlangan  holda  -  zudlik  bilan  shifokorga 
xabar beriladi. 
 
5. Agar qon aralashmasi aniqlanmasa, najas aralashtiriladi. 
 
6. Hosil bo‘lgan massadan 30-40 g olib, tayyorlangan shisha 
idishga solinadi. 
 
7. Qo‘lqoplar yechiladi. 
 
8. Idishga yo‘llanma biriktiriladi. 
 
9. Material bioximik laboratoriyaga olib boriladi. 
 
10. Natijasi o‘sha kuni yoki ertasiga ertalab olib kelinadi. 
 
11. Tekshiruv natijasi kasallik tarixiga yopishtirib qo‘yiladi.