M. F. Ziyayeva, O. Z. Rizayeva

4.11. Shilliq va balg‘amni so‘rib olish  
(og‘iz va burun bo‘shlig‘idan) 
 
1. Soch va tirnoqlarni tartibga keltirish, qo‘llarni yuvish.
 
2.  Kerakli  jihozlarni  tayyorlab  olish:  sochiq,  spirt,  paxta 
sharchalari, qaynatilgan suv, elektr so‘rg‘ich apparati.
 
3.  So‘rg‘ich,  so‘rib  olingan  suyuqlik  yig‘iladigan  idish  va 
so‘rg‘ich naych
аsini bir-biriga ulab, tok manbaiga ulash. 
 
4. Muolaja maqsadi va uni o‘tkazish usullari haqida bemorga 
to‘g‘ri ma’lumot berish.
 
5. Bemorni kerakli xolatga keltirish. 
 
6.  Spirtga  ho‘llangan  sharchalarni  tayyorlab,  qo‘lqoplarni 
kiyish. 
 
7. Kateterning keraksiz qismlarga sababsiz teginmasdan uni 
so‘rg‘ich naychasiga ulash. 
 
8.  Kateter  uchini  steril  suvga  (6-8  sm)  tushurish  va  oz 
miqdorda suv so‘rib olish. 
 
9.  So‘rish  bosimini  100-200  mm.  sim.  ust  (13-26  kPa) 
darajasida o‘rnatish. 
 
10.  Og‘iz  bo‘shlig‘i:  bemorni  hamshiraga  qaratib,  og‘zini 
katta ochishni iltimos qilish. 
 
Burun bo‘shlig‘i: bemor boshini bir oz orqaga engashtirishni 
iltimos qilish. 
 

---

 
332 
11.  Bir  qo‘l  bilan  kateterni  ulangan  joyidan  ushlab  turish. 
Ikkinchi qo‘lga kateter uchini (6-8 sm) olish. 
 
12.  Og‘iz  bo‘shlig‘i:  kateterni  bukilgan  holda  ushlab  turib 
og‘iz bo‘shlig‘iga kiritish va so‘rib olishni boshlash. 
 
Burun bo‘shlig‘i: kateterni bukilgan holda ushlab turib 15-20 
sm ichkariga kiritish. Kateter halqumga yetganidan keyin so‘rib 
olishni boshlash. 
 
13. Bosh va korsatkich barmoq bilan kateterni ushlab turgan 
holda uni o‘ng va chapga aylantirish. Kateterni yuqori va pastga 
harakatlantirib turib, ehtiyotlik bilan uni chiqarib olish (10-15 
sekund mobaynida)
 
14. Bemor nafasini normallashtirish. 
 
15. Kateterga yopishib qolgan ajralmalarni spirtda ho‘llangan 
paxta bilan artib tashlash. 
 
16.  Kateterni  chayib  tashlash  uchun,  yuvish  eritmasini 
kateterga  sorib  olish.  Undan  keyin  kateterni  chayib  tashlash 
uchun sterillangan suvni so‘rib olish. 
 
17.  Agar  bir  martada  keraklicha  balg‘am  so‘rib  olinmasa, 
bemor nafasini rostlab olishini poylab turish va qaytadan so‘rib 
olishni takrorlash. 
 
18. Muolaja tugagach, kateterni so‘rgich naychasidan ajratib 
olish va uni dez eritmali idishga solib qo‘yish. 
 
19.  Bemor  nafas  olishini,  nafas  olishdagi  shovqinlarini, 
qiynalib nafas olish rivojlanishini, bemorning umumiy ahvolini 
kuzatish. 
 
20. Kuzatuv natijalarni yozib borish: so‘rib olish davomiyligi, 
nafas olish holati, balg‘am miqdori va xususiyatlari, bemorning 
umumiy ahvoli va hokazo.