M. F. Ziyayeva, O. Z. Rizayeva

 
4.9. Plevral punksiyada qatnashish
 
Plevra bo‘shlig‘ida suyuqlik yig‘ilib qolganda plevrani tashxis 
va davo maqsadida punksiya qilish zarur bo‘ladi. 
 
Plevra  punksiyasini  shifokor  bajaradi.  Bunda  hamshiraning 
vazifasi  asboblarni,  bemorni  tayyorlash  va  muolajani  bajarish 
vaqtida shifokorga yordam berishdan iborat. Bajarish tartibi:
 
1.  Bolaga  yoki  uning  onasiga  muolaja  maqsadi  va  uslubi 
tushuntirib beriladi. 
 
2. Qo‘llar yuvib, quritiladi. 
 
3.  Quyidagilar  tayyorlanadi:  anesteziya  uchun  to‘plam 
(shpris 5 ml, 10 ml, teriosti, mushaklar orasiga ineksiya qilish 

---

 
330 
uchun ignalar, 0,5% li novokain ampulada, 70% li spirt, steril 
paxta), plevral punksiya uchun rezina nayli igna, qisqich, drenaj 
naychalar  tizimi,  Poten  shprisi  yoki  Bobrov  apparati,  yoki 
elektroso‘rg‘ich,  ko‘krak  qafasining  to‘g‘ri  va  yon  proyek-
siyalardagi  rentgenogrammalari,  plevral  suyuqliklarni  yig‘ish 
uchun idishlar, steril bog‘Iov anjomlari bo‘lgan biks, kleol yoki 
leykoplastir,  laboratoriyaga  yo‘llanma,  probirkalar,  dezinfek-
siyalovchi vositalar uchun idishlar. 
 
4. Shifokorga qo‘lini yuvishda yordam beriladi. 
 
5. Stul suyanchig‘iga yostiq qo‘yiladi, bolani stul suyanchig‘i 
tomonga  qaratib  o‘tkaziladi,  b
оlаning qo‘llari yostiqda turishi 
kerak. 
 
6. Bolaga stul suyanchig‘i ustiga engashish buyuriladi (qovur-
g‘alararo masofaning kengayishi uchun). 
 
7. Qo‘llarga ishlov beriladi, qo‘lqoplar, niqob, qalpoqcha va 
steril xalat kiyiladi. 
 
8.  Punksiya  paytida  shifokorga  yordam  berib  turiladi,  bola 
ahvolidan xabardor bo‘lib turiladi.
 
9.  Muolajadan  keyin  bolani  aravachada  xonasiga  olib 
boriladi. 
 
10.  Laboratoriyaga  punksiya  paytida  olingan  suyuqlik  olib 
boriladi. 
 
11.  Tahlil  natijasi  olingach,  kasallik  tarixiga  yopishtirib 
qo‘yiladi. 
 
12. 3 soat davomida bolani tinimsiz kuzatiladi (qat'iy yotoq 
tartibi).