M. F. Ziyayeva, O. Z. Rizayeva

 
4.6. Quloqqa isituvchi kompress qo‘yish texnikasi
 
Bolalar  (ayniqsa,  chaqaloqlar  va  kichik  yoshdagi)  da  ichki 
quloqning  nafas  yo‘llarining  boshlanish  qismi  bilan  yaqin 
joylashganligi  natijasida  yallig‘lanish  jarayonlari  yuqori  nafas 
yo‘llaridan  o‘rta  quloqqa  o‘tib  qolishi  hollari  kuzatiladi. 
Bolalarning  quloqlaridagi  og‘riqlar  ularni  emishida  qiyin-
chiliklar tug‘diradi. Ana shu maqsadda quloqlardagi og‘riqlarni 
kamaytirish zarurati tug‘iladi. 
 
Issiq  suv  yoki  1:1  nisbatda  suyultirilgan  spirt,  kamfora, 
kungaboqar moyi, bir necha qavat qilingan bir parcha bo‘z mato, 
mumlangan  qog‘oz,  paxta,  enli  bint  tayyorlanadi.  Mato  va 
qog‘ozning  o‘rtasi  bolaning  qulog‘iga  moslab  kesiladi.  Keyin 
matoni suvga ho‘llab siqib olinadi va quloq atrofi bo‘ylab teriga 
qo‘yiladi, ustidan mumlangan qog‘oz (quloq suprasidan o‘tka-
zib) va paxtani shunday qo‘yiladiki, har qaysi keyingi qo‘yilgan 
qavat ostidagisidan 2-3 sm chiqib uni yopib tursin va shundan 
so‘ng bint bilan boshini gir aylantirib bog‘lab qo‘yiladi. 
 
Kompressni  3-4  soat  qo‘yib  qo‘yiladi,  shuning  uchun  uni 
kechasi  qo‘yib  yotish  tavsiya  etilmaydi.  Ba’zi  hollarda  quruq 

---

 
328 
issiq kompresslar qilinadi. Buning uchun o‘zida issiqlikni tutib 
turadigan  biror  xil  matoni  issiq  choynak,  dazmol  va  boshqa 
isitish  manbalariga  tutib  turiladi  va  zudlik  bilan  bolaning 
quloqlariga bosib turiladi. Vaqti-vaqti bilan yangi isitilgani bilan 
almashtiriladi. Yoki ustidan yana bir necha qavat paxta qo‘yib 
chirmab bog‘lab qo‘yiladi.