M. F. Ziyayeva, O. Z. Rizayeva

b)  Balg‘amni  mikroflora  va  antibiotiklarga  sezgirligini 
aniqlash uchun yig‘ish tartibi
 
l. Qo‘llar yuvib, quritiladi. 
 
2. Tayyorlab qo‘yiladi: bakteriologik laboratoriyadan olingan 
steril flakon, ogiz chayish uchun eritma (furatsillinning 1:5000 
yoki natriy gidrokarbonatning 2% li eritmasi), spirtovka, gugurt, 
yo‘llanma. 
 
3.  Bolaga  yoki  uning  onasiga  muolaja  maqsadi  va  tartibi 
tushuntiriladi. 
 
4. Qo‘lqoplar kiyiladi. 
 
5. Bolaning og‘zi tayyorlangan antiseptik eritmalarning biri 
bilan chayiladi. 
 
6.  Bolada  balg‘am  yaxshi  ko‘chishi  uchun  bronxlar  drenaji 
o‘tkaziladi. 
 
7. Chap qo‘l bilan steril flakon olinadi, o‘ng qo‘l bilan tiqini 
ochiladi. 
 
8.  Boladan  yaxshilab  yo‘talib,  balg‘amni  va  lablarini 
flakonning chetlariga tekkizmasdan tupurishi so‘raladi. 
 
9.  Flakon  chetlari  va  tiqinini  spirtovka  alangasi  ustida 
kuydirib olinadi. 
 
10. Flakon tiqini bilan berkitiladi. 
 
11. Qo‘lqoplar yechiladi va ularga ishlov beriladi. 
 
12.  Flakonga  yo‘llanma  biriktiriladi  va  bakteriologik 
laboratoriyaga yuboriladi. 
 
13. Natija 7-10 kundan keyin olib kelinadi. 
 
14. Tekshiruv natijasi kasallik tarixiga yopishtirib qo‘yiladi. 
 
Izoh:  Tahlil  uchun  balg‘amni  ertalab  nonushtadan  oldin 
yig‘ish kerak. 
 
Balg‘amli  idishda  bemorning  ismi-sharifi  hamda  tekshirish 
maqsadi  yozilgan  qog‘oz  bo‘lishi  kerak.  Hamshira  balg‘amga 
ishlatiladigan bankalarning hammavaqt toza bo‘lishini kuzatib 
borishi  lozim.  Buning  uchun  har  kuni  ularni  issiq  suv  bilan 
yuvish  va  30  daqiqa  mobaynida  2  foizli  natriy  gidrokarbonat 
eritmasida qaynatish lozim. Tufdon tubiga 5 foizli karbol kislota 
eritmasi,  2  foizli  kaliy  permanganat  yoki  30  foizli  xloramin 
eritmasi  quyiladi.  Umumiy  tufdonlarni  zararsizlantirishda 
balg‘am  ustiga  zararsizlovchi  xloramin  eritmasi,  tindirilgan 
(balg‘am  ustiga)  xlorli  ohak  eritmasi  quyiladi,  so‘ngra 
kanalizatsiyaga to‘kiladi. 
 

---

 
327 
Silga  qarshi  tibbiyot  muassasalarida  tufdondagi  balg‘amni 
maxsus pechlarda kuydiriladi. 
 
Balg‘amda  ipir-ipir  yoki  ko‘p  miqdor  qip-qizil  qon  paydo 
bo‘lishi, o‘pkadan oqayotgan qonni bildiradi.