M. F. Ziyayeva, O. Z. Rizayeva

 
4.3. Namlangan kislorod berish
 
Turli xil kasalliklarda birdan boshlangan gipoksiya (kislorod 
yetishmasligi)  bilan  kurashishning  asosiy  usuli  ingalyatsion 
oksige-noterapiya  (kislorodli  aralashmani  nafasga  oldirish) 
hisoblanadi. 
 
Bolaga kislorod berishning quyidagi usullari mavjud:
 

---

 
323 
– oddiy mundshtuk, voronka (maska) yoki so‘rg‘ich orqali 
og‘iz-burun sohasiga kislorod yuborish;
 
– burun kateterlari orqali kislorod yuborish;
 
I-maxsus niqoblar yordamida kislorod berish;  
– kislorodli palatka (HKIT-1) dan foydalanish. Kasal bola 
organizmiga kislorod kiritishning eng samarali usuli kislorodli 
palatka yordamida ingalyatsiya amalga oshiriladigan usul bo‘lib, 
mazkur usul kislorodni dozalash, ya’ni uning konsentratsiyasini 
ko‘paytirish  yoki  kamaytirish  imkonini  beradi  va  bolaning 
harakat aktivligini cheklab qo‘ymaydi. 
 
Burun  kateteri  yoki  voronka  (maska)  yordamida  kislorod 
berish  o‘zining  ahamiyatini  butunlay  yo‘qotmagan  bo‘lsa-da, 
har holda hozirgi paytda kamroq qo‘llaniladi, chunki bu usulda 
sarf  qilinayotgan  kislorodning  juda  kam  miqdorigina  o‘pkaga 
kirib  boradi,  kislorodning  jadal  oqimi  esa  nafas  yo‘llarining 
shilliq pardasini quritib, ta’sirlaydi, bolani nafas harakatlari va 
yurak  urishining  ritm  va  chastotasini  reflektor  ravishda  izdan 
chiqarishi mumkin. 
 
Ingalyatsion oksigenoterapiyaning birdan-bir sharti bolaning 
nafas  yo‘liga  kirayotgan  kislorod  oqimini  namlab  turish 
hisoblanadi.  Buning  uchun  odatda  Bobrov  apparatidan  yoki 
kislorodni suv o‘rtasidan o‘tkazib, gazni bir qadar namlaydigan 
boshqa  qurilmalardan  foydalaniladi.  Bobrov  apparatining  suv 
ichiga  tushirilgan  naychasi  kislorod  manbaiga  ulansa,  ikkin-
chisi, suv sathidan yuqorida joylashgan naychasidan namlanib 
chiqayotgan  kislorod  bemorga  qo‘yilgan  kislorod  berish 
moslamasiga ulanadi. 
 
Bunda Bobrov apparatidagi suvning ichida pufakchalarning 
paydo bo‘lishi kislorodning namlanayotganidan darak beradi.