Microsoft Word mahtumquli ziyouz com doc

NODON FALAK, AMON-AMON!.. 
 
Beklarimiz qilar kengashni, 
Nodon falak, amon-amon! 
Boshga qo‘yarsen tashvishni, 
Nodon falak, amon-amon! 
 
Davlat qushi osmon keldi, 
Haq siyladi, nazar soldi, 

---

Saylanma. Maxtumquli 
 
 
www.ziyouz.com kutubxonasi 
82
Oy-Kunlar ko‘rib uyaldi, 
Nodon falak, amon-amon! 
 
Yaxshilar kengashni tutgan, 
Falakni keyinga otgan, 
Zindon ichra G’ofil yotgan, 
Nodon falak, amon-amon! 
 
Ancha jabr qilar bo‘lding, 
Omonatni olar bo‘lding, 
Choh-gardishga solar bo‘lding, 
Nodon falak, amon-amon! 
 
Nomardlar yo‘lbars bo‘libdir, 
Yil-kunimga hars bo‘libdir, 
Zanon bari bars bo‘libdir, 
Nodon falak, amon-amon! 
 
Ko‘p chekibman jabru jafong, 
Ro‘yin ko‘rmamisham safong, 
Dasting tutdim, ajab turfang, 
Nodon falak, amon-amon! 
 
Maxtumquli aytar: "Amon, 
Yaqin keldi oxir zamon, 
Tog‘ boshinda hijron tumon, 
Nodon falak, amon-amon!"