M. T. Yulchieva, N. T. Atamuratova

Oddiy  botrik  yoki  monopodial  to‘pgullar.Oddiy  monopodial 
to‘pgullarga: shingil, boshoq, kuchala, soyabon, qalqon, ro‘vak, asosiy gul o‘qi 
qisqarib  yo‘g‘onlashgan  to‘pgullarga  so‘ta  boshcha  va  savatcha  kiradi  (48-
rasm). 
Oddiy monopodial to‘pgullar: 
1.  SHingil  (racemus  botrys)  –to‘pgulning  o‘qida  gullari  gulbandi  bilan 
joylashgan.  Gullari  pastdan  yuqoriga  qarab  birin-ketin  ochiladi.To‘pgulda  bir 
vaqtda meva, gul, g‘uncha bo‘ladi.  Karamdoshlar oilasi vakillarining to‘pguli 
shingildir. 
2.  Boshoq  (Spica)  –to‘pgulning  o‘qida  gullari  gul  bandsiz  joylashgan: 
zubturum o‘simligini kuzating. 
3. Kuchala, sirg‘asimon (Amentum) – to‘pgulning  o‘qi osilib turadigan 
shingildir.   Ular  bir jinsli o‘simliklarning changchi gullarida bo‘lib, urug‘chi 
gulni  changlangandan  so‘ng    tushib  ketadi  .  Yong‘oq,  tol,  terakning  erkak 
to‘pguli bunga misol bo‘la oladi. 
4.Soyabon  (Umbella)–  to‘pgulning  asosiy  o‘qi,  qisqargan  gulbandi  bir 
xil  uzunlikda  bo‘lib,  gullari  bir  nuqtada  o‘rnashgan.  Masalan,  navro‘zgul,  
piyoz, sarimsoq, olcha, jenshen. 
5.Qalqon  (Corymbus)    –  ostki  gullarining  gulbandi  ustki  gullariga 

---

187 
 
qaraganda  uzun  bo‘ladi.  Misol  uchun  nok,  do‘lana,  olma    gullarini  olish 
mumkin. 
6.  Boshcha  (Capitatum)  –  to‘pgulning  o‘qi  juda  qisqargan  va 
yo‘g‘onlashgan.  Gullari  bandsiz,  bir-biriga  juda  zich  joylashgan,  shakli 
boshchaga o‘xshash. Bunga sebarga turkumi misol bo‘ladi. 
7.Savatcha  (Calathidium)  –  to‘pgulning  yuqori  qismi  savatcha  singari 
kengaygan  bo‘lib,  unda  bandsiz  mayda  gullar  joylashgan.  Savatcha  to‘pgul 
yassi,  ko‘zachasimon  yoki  gumbazsimon  bo‘lishi  mumkin.  Savatcha 
to‘pgulning atrofini gulyonbarglar o‘rab turadi.  Kungaboqar, andiz, bo‘tako‘z 
o‘simliklarining to‘pgullari savatcha to‘pgulga misol bo‘ladi.