Кўчмас мулк ва мулк ҳУҚУҚи амалий қўлланма

Уй-жойга нисбатан мулк ҳуқуқини тасдиқловчи ҳужжатлар

---

93
Йўриқноманинг 53
2
-бандига кўра уй-жойни олди-сотди шартномасига 
асосан бошқа шахсга ўтказишда мулк ҳуқуқини тасдиқловчи ҳужжатлар билан 
бирга қуйидаги ҳужжатлар ҳам тақдим этилади:
●
хусусий уй-жой мулкдорлари ширкати аъзолари томонидан умумий 
харажатларни қоплаш учун тўланадиган мажбурий бадаллар, телефон 
алоқаси хизмати учун тўловлар бўйича қарзи мавжуд эмаслиги тўғрисидаги 
маълумотномалар;
●
коммунал хизматлар (газ таъминоти, совуқ сув таъминоти ва оқова 
сувларни чиқариш, иссиқлик таъминоти (марказий иситиш ва иссиқ сув 
таъминоти) бўйича хизматлар) ва электр энергияси учун тўланадиган мажбурий 
тўловлар бўйича қарзи мавжуд эмаслиги тўғрисидаги маълумотномалар 
(жисмоний шахсларга тегишли уй, квартира, уйнинг ёки квартиранинг бир 
қисми учун);
●
уй, квартира, уйнинг ёки квартиранинг бир қисми ўзгартирилганда, 
қайта қурилганда ёки бузилганда маҳаллий давлат ҳокимияти органининг бу 
ҳақдаги қарори;
●
бинолар, иншоотлар ва кўп йиллик дарахтларга бўлган ҳуқуқнинг 
давлат рўйхатидан ўтказилганлиги тўғрисидаги гувоҳнома;
●
“Ергеодезкадастр” давлат қўмитаси ҳудудий бўлинмасининг 
маълумотномаси;
●
солиқлар бўйича бюджет олдида қарзи мавжуд эмаслиги тўғрисидаги 
давлат солиқ хизмати органининг маълумотномаси;
●
уй, квартира, уйнинг ёки квартиранинг бир қисмида доимий 
прописка қилинган шахслар ҳақида фуқароларнинг ўзини ўзи бошқариш 
органлари ёки хусусий уй-жой мулкдорлари ширкати томонидан берилган 
маълумотнома;
●
уй, квартира, уйнинг ёки квартиранинг бир қисми гаровга қўйилган 
бўлса, гаровга олувчининг розилиги.
Агарда “Ергеодезкадастр” давлат қўмитаси ҳудудий бўлинмасининг 
маълумотномасида кўрсатилган ер участкасининг ёки уй, квартира, уйнинг 
ёки квартирани бир қисмининг ҳақиқий майдони мулкка бўлган ҳуқуқни 
тасдиқловчи ҳужжатда кўрсатилганидан кўп бўлса, шунингдек уй, квартира, 
уйнинг ёки квартиранинг бир қисмининг мулкдори устки қаватни қурган, 
қўшимча иморат қурган ёки яшаш хонаси бўлмаган қисмини қайта таъмирлаб, 
яшаш хонасига ўзгартирган бўлса ёки бошқача тарзда ўзгартирган бўлса, 
нотариус туман (шаҳар) ҳокимининг бу ўзгаришлар тўғрисидаги қарори ва уй, 
квартира, уйнинг ёки квартиранинг бир қисмини фойдаланишга қабул қилиш 
тўғрисидаги комиссия далолатномасини тасдиқлаш тўғрисидаги қарорини 
тақдим этишни талаб қилади. 
Йўриқноманинг 54-бандига кўра туман (шаҳар) ҳокимининг бундай 
қарори бўлмаганда, ер участкасининг майдони ёки уй, квартира, уйнинг ёки 

---