Кўчмас мулк ва мулк ҳУҚУҚи амалий қўлланма

КЎЧМАС МУЛК ВА МУЛК ҲУҚУҚИ
62
Туман ҳокимининг 2016 йил 26 январдаги 55-сонли қарори билан 
ўтказилган ким ошди савдосига кўра мен билан 2016 йил 28 февралда 
205-сонли келишув шартномаси тузилиб, барча тўловларни тўлаганимдан 
кейин менга 2016 йил 5 мартда ерга бўлган ҳуқуқни тасдиқловчи 1103-сонли 
давлат далолатномаси берилди.
Бироқ ушбу далолатномада менга сотилган ер бўлагининг рақами 
кўрсатилмаган. Менга туман ер кадастр хизмати ходимлари ер майдонини 
кўрсатишди. Ушбу ер бўлагининг ҳақиқатда менга ажратилганлигини 
қандай билсам бўлади, келажакда низо юзага келмайдими?
Савол
Туман ҳокими ер участкаси ажратиш тўғрисида қарор қабул қилганидан 
кейин ер участкасини танлаш бўйича материаллар тайёрланиши 
ва ер участкаси ажратиш далолатномаси белгиланган тартибда 
расмийлаштирилиши лозим.
Ўрнатилган тартибга кўра, ер участкаси ажратиш тўғрисида қарор 
қабул қилингандан кейин мавжуд топография материаллари асосида, 
бундай материаллар бўлмаса, ер участкасининг топографик харитаси 
ишлаб чиқилгандан кейин натурага кўчирилади.
Қонун талабларига кўра ана шу талабларни тўлиқ бажариб, ер 
ажратиш далолатномаси расмийлаштирилганидан ва топографик харита 
асосида натурага кўчирилганидан кейин Сизга кўрсатилган ер участкаси 
ҳақиқатдан ўзингизники эканлиги юзасидан ишонч ҳосил қилишингиз 
мумкин.
Жавоб
Ер участкаларига доимий ва муддатли (вақтинча) эгалик қилиш ҳамда 
фойдаланиш.
Қонунга мувофиқ, ер участкалари юридик ва жисмоний шахсларга доимий 
ва муддатли (вақтинча) эгалик қилишга ҳамда улардан доимий ва муддатли 
(вақтинча) фойдаланишга берилиши мумкин.
Ер кодекси 20-моддасининг 3-қисмига кўра доимий ёки муддатли 
(вақтинча) фойдаланиш учун ер участкалари:
●
Ўзбекистон Республикасининг фуқароларига;
●
саноат, транспорт ҳамда бошқа ноқишлоқ хўжалик корхоналари, 
муас сасалари ва ташкилотларига;
●
чет эл инвестициялари иштирокидаги корхоналарга, халқаро 
бирлашмалар ва ташкилотларга;
●
чет эллик юридик ва жисмоний шахсларга берилади.
Ер участкаларидан муддатли фойдаланиш қисқа муддатли – 3 йилгача ва 
узоқ муддатли – 3 йилдан 10 йилгача бўлиши мумкин.

---

63
Ер участкасидан доимий фойдаланиш муддатсиз бўлиб, ер участкаларига 
бўлган ҳуқуқлар қонунда белгиланган тартибда бекор қилингунга қадар давом 
этади. 
Ер участкасига доимий эгалик қилиш ҳуқуқи Ер участкасидан доимий 
фойдаланиш ҳуқуқини берувчи давлат ҳужжати билан тасдиқланади.