Ўзбекистон республикаси олий ва ўрта махсус таълим вазирлиги алишер навоий номидаги

ПЕРОКСИСОМАЛАР. Протоплазмадаги сўнгги йилларда аниқланган 
жуда кичик органоидлардан бири пероксисомалардир. Пероксисома термини 

---

17
биринчи марта 1965 йилда , ҳайвон ҳужайрасини ўрганиш натижасида Де-Дюв 
томонидан таклиф этилган эди. Буларнинг ўсимлик ҳужайрасида ҳам борлиги 
1968 йилда Толберт томонидан аниқланган. 
Пероксисома ҳажми жиҳатидан митохондрияларга яқин туради. 
Ўсимликларда асосан думалоқ шаклда бўлиб, диаметри 0,2-1,5 мкм. Улар 
мембрана қавати билан ўралган , митохондриялардан кичикроқ ва кристлари 
йўқ. Пероксисомаларда ёруғликда нафас олиш (фотодыхание) ферментлари 
кўпроқ. Шунинг учун ҳам улар баргларда кўп бўлади ва хлоропластлар билан 
доимий алоқа қилади. Айрим олимларнинг фикрича пероксисомалар 
эндоплазматик тўр мембранаси сатҳида юзага келади ва ундан ажралиб чиқади. 
ГЛИОКСИСОМАЛАР. 
Глиоксисомалар 
ҳам 
пероксисомалар 
группасига киради. Бу органоидлар унаётган уруғ ҳужайраларида ҳосил бўлади. 
Уларда асосан ёғ кислоталарини ўзгартириб, шакар ҳосил қилишда иштирок 
этувчи 
ферментлар 
кўпроқ 
тўпланади. 
Улар 
ҳажми 
жиҳатидан 
пероксисомаларга тенг ва эндоплазматик тўр билан боғлиқ. 
СФЕРОСОМАЛАР. Бу органоидларни 1880 йилда Ганштейн очиб, унга 
" микросома " деб ном берган. Кейинчалик шаклига қараб, сферосома деб 
юритила бошланди. Шакли, думалоқ, ёруғликни кучли сингдириш қобилиятли, 
диаметри 0,5 - 1 мкм. Эндоплазматик тўрдан ҳосил бўлади ва ажралиб чиқади. 
Танасида липидлар кўп. Шунинг учун улар липид томчилари ҳам дейилади. 
Сферосомаларда ферментлардан липаза, эстераза, протеаза, нордон фосфотаза, 
РНК аза,ДНКаза топилган. Уларда асосан фермент липаза кўп бўлганлиги 
ёғларнинг кўпроқ синтез қилиниши ва тўпланишига шароит яратиб беради. 
Бажарадиган функциялари лизосомаларга ҳам ўхшаб кетади.