O‘zbekiston tarixini davrlashtirish masalasi. Formatsion yondashuv, mintaqalarning

125-savol: O‘zbekistonda mustaqillik yillarida buyuk ajdodlar va tarixiy shaxslarga bo‘lgan e’tibor. 
(Amir Temur, Ulug'bek, Imom Buxoriy, Motrudiy va boshqalar). 
O‘zbek xalqiga xos quyidagi jihatlar uning milliy qadriyatlari sifatida boshqa xalqlar tomonidan e’tirof 
etilgan: 
·  tug‘ilgan makon va ona yurtiga ehtirom; 
·  avlodlar xotirasiga sadoqat; 
·  kattalarga hurmat, kichiklarga izzat; 
·  mehmondo‘stlik; 

---

·  bolajonlik; 
·  ma’naviyat-axloq-odob-ma’rifat; 
·  muomalada mulozamat, hayo, andishalik; 
·  og‘ir kunlarda vazminlik, sabr-toqat va hokazo. 
Mustaqillik yillarida xalqimizning milliy qadriyatlarini tiklash, yangi ma’no-mazmun bilan boyitish 
yo‘lida bir qator xayrli ishlar amalga oshirildi. 
Xalqimizning azaliy qadriyatlaridan biri “Navro‘z” bayramidir. Qaramlik yillarida mana shu ardoqli 
bayramni nishonlash ham taqiqlangan edi. 1990-yildan boshlab O‘zbekiston hukumatining qarori bilan 
21-mart “Navro‘z” milliy xalq bayrami kuni sifatida belgilanib, dam olish kuni deb e’lon qilindi. 
Xalqimiz “Navro‘z” kunlarida hasharlar uyushtirib, dalalarga ko‘chatlar ekish, ko‘chalarni tozalash 
tadbirlarini, turli ommaviy o‘yinlar, poyga musobaqalari, sayllar uyushtiradilar, yetim-yesirlarga va 
nogironlarga yordam berib, marhumlar qabrlarini ziyorat qiladilar. 
1994-yil 23-apreldagi Prezident farmoni asosida tashkil etilgan Respublika “Ma’naviyat va ma’rifat” 
jamoatchilik markazi o‘zbek xalqining ma’naviy-madaniy merosini tiklash, millat kelajagini 
belgilaydigan g‘oyalarni yuzaga chiqarish, yo’qsak iste’dod va tafakkur sohiblarining aqliy-ijodiy 
salohiyatini Vatan ravnaqi sari yo‘naltirishga qaratilgan tadbirlar, anjumanlar, ko‘rgazmalar tashkil 
etishni yo‘lga qo‘ydi. Markaz tomonidan aholi o‘rtasida o‘tkazilgan sotsiologik tadqiqotlar, so‘rovlar 
asosida ishlab chiqilgan ma’naviy-ma’rifiy ishlarni tashkil etish boy’icha tavsiyalar jamoat birlashmalari, 
ilmiy-ijodiy muassasa va tashkilotlar, ommaviy-axborot vositalarining ma’naviy-tarbiyaviy saviyasini 
yaxshilashda muhim ahamiyat kasb etdi.