O‘zbekiston respublikasi oliy va o‘rta maxsus ta’lim vazirligi o‘rta maxsus kasb-hunar ta’limi markazi

Buxoro.  Qadimiy azm shahar Buxoro tarixiy-madaniy 
yodgorliklari bilan o‘ziga xos bo‘lgan sayr-sayohat manzilidir. 
Shaharning tarixi Samarqand, Termiz, Qarshi, Xiva, Urganch 
kabi shaharlar bilan bog‘liq ravishda uzoq o‘tmishdan darak 
beradi.
Abu Ali ibn Sino, Imom al Buxoriy (Xo‘ja Ismoil) va boshqa 
juda ko‘p ilm, tabobat, islom dini arboblari Buxoroda tahsil 
olgan, hayot kechirgan. 2500 yildan ortiq davrda shaharda turli 
qurilishlar, asosan masjid, madrasa, savdo markazlari, shohona 
uyjoylar, qasrlar, qal’alar qad ko‘tardi. Ularning ko‘pchilik qismi 
hozirda sayr-sayohat yo‘lida xizmat qilmoqda. Shahar borgan 
sari ko‘rkamlashib turizm shahriga aylangan.
Mustaqillik tufayli zamonaviy uy-joylar, idoralarning 
binolari, madaniyat markazlari yangidan qad ko‘tardi. 2002-yil 
“Universiada” o‘tkazilishi munosabati bilan sport majmualari 
bunyod etildi. “Buxoro” stadioni xalqaro musobaqalar 
o‘tkazishga moslashtirildi.
Buxoroning sayr-sayohat sohasidagi yana bir e’tiborli tomoni 
shundaki, unda uch tomonlama temir yo‘llar tutashgan. Ya’ni 
sharqdan Moskva, Toshkent, Farg‘ona vodiysidan keladigan 
poyezdlar, g‘arbdan esa Turkmaniston, Qoraqalpog‘iston, 
Xorazm, Uch quduq poyezdlari, janubdan esa Tojikiston, Termiz, 
Afg‘oniston poyezdlari Buxoroda (Kogon bekati) tutashadi va 
kesib o‘tishadi. Bu sayyohlar sayohat yo‘lining eng qulayligini 
ta’minlaydi.
Buxoroga kelgan sayohatchilar tarix muzeyida shaharning 
o‘tmishi, xonliklar davridagi madaniyat, liboslar, qurollar, 
keyingi yillardagi Islom dini ta’limoti, ilm-fan, san’at, ma’rifat 
va boshqa juda ko‘p sohalardagi erishilgan yutuqlar, meroslar 
bilan tanishishga muyassar bo‘ladilar.

---

35