O‘zbekiston respublikasi oliy va o‘rta maxsus ta’lim vazirligi o‘rta maxsus kasb-hunar ta’limi markazi

Toshkent. O‘zbekistonning poytaxti sifatida Toshkent 
faqat Markaziy Osiyodagina emas, hatto barcha qit’alardagi 
mamlakatlarga ham tanildi. Uning aholisi 2 mln dan oshiq bo‘lib, 
100 ga yaqin millat va elatlarning vakillari istiqomat qiladi. 
Mustaqillik yillari davrida (1991–2010-yillar) shaharning ko‘rki 
beqiyos darajada o‘zgardi. Deyarli barcha hududlarda yangi-
yangi koshonali binolar qad ko‘tardi. Zamonaviy arxitektura 
qurilishlari (banklar, savdotijorat majmualari, turli idoralar, 
elchixonalar va hokazo) Toshkentning jamolini yangiladi. 
Ayniqsa, markazda qad ko‘targan Konservatoriya binosi, 
shahar ma’muriy idoralari, Temuriylar tarixi davlat muzeyi, 
“O‘zbekiston”, “Jar” sport majmualari sayohatchilarning gavjum 
maskaniga aylandi.
Jahondagi Islom dini fozillari va ulamolari Ko‘kaldosh 
madrasasi, Xastiimom masjidi va Islom universitetiga tashrif 
buyurganda o‘zbek millatining ulug‘ligiga shahodat bo‘lmoqda.
Toshkentning qaysi dahasi va mavzesiga bormang ko‘p 
qavatli uylardagi aholining tinch-totuv yashashi, sog‘lom 
turmush tarzini kechirayotganining guvohi bo‘lasiz.
Teatr, sirk, muzeylarda tinimsiz ravishda odamlar oqimiga 
duch kelasiz. Umumta’lim maktablarining o‘quvchilari, kasb-
hunar kollejlari yoshlari, oliy ta’lim muassasalari talabalari 
o‘quv dargohlarida shodon kezib, o‘qib ilm olib yurganligiga 
havasingiz keladi. Keng ko‘chalar, xiyobonlardagi savdo 

---

32
do‘konlari, har qadamda uchraydigan dehqon bozorlarida 
odamlar zich, qadam tashlashga joy yo‘q, desa bo‘ladi.
“Mustaqillik” va “Navro‘z” bayramlarida Alisher 
Navoiy bog‘i, Mustaqillik maydonlari va shaharning barcha 
katta maydon – xiyobonlarida bayramlar zo‘r tantana bilan 
o‘tkazilmoqda. Yangi o‘quv yilining boshlanishi, o‘zbek kurashi, 
tennis, futbol va boshqa sport turlari bo‘yicha o‘tkazilayotgan 
rasmiy musobaqalar, xalqaro turnirlar jarayonlari ham zo‘r 
tantana bilan tashkil etilib bayram tusini olmoqda.
E’tiborli tomoni yana shundaki, avvallari boshqa nom 
bilan yuritilgan shoh ko‘chalar, mahallalar, ta’lim muassasalari 
endilikda mahalliy ulug‘ zotlarning nomiga qo‘yildi. Masalan: 
Amir Temur ko‘chasi (Engels), Buyuk Iрak yo‘li (Sh.Rustaveli), 
Sh.Rashidov ko‘chasi (Lenin) va hokazo.
Kitob do‘konlari va rastalari hamda aloqa tarmoqlarida 
davlat tilidagi kitoblar, jurnallar, gazetalar va turli o‘quv 
qurollari asosiy mahsulotlarni tashkil etadi. Xullas Toshkent 
sayohatchilarining eng go‘zal va diqqatga sazovar maskaniga 
aylanmoqda.