Toshkent davlat yuridik universiteti mamasiddiqov muzaffarjon musajonovich esanova zamira normurotovna

 
1-kazus 
Raxmonov viloyat hokimi qarorini g‘ayriqonuniy deb topish haqida 
sudga da’vo bilan murojaat qilgan. 
Sud da’voni qanoatlantirgan. 
Apellatsiya  instansiyasi  sudi  hal  qiluv  qarorini  ish  sudga  taalluqli 
bo‘lmaganligi uchun bekor qilib, ish yuritishni tugatdi. 
 
Savol: 
1)  Nima  uchun  mazkur  ish  fuqarolik  ishlari  bo‘yicha  sudga 
taalluqli emas deb topildi? 
2)  Taalluqlilik  qoidalariga  rioya  qilmaslik  qanday  oqibatlarga 
olib keladi? 
2-kazus 
 
Da’vogar  I.  javobgar  “O‘zbekbirlashuv”  AJga  nisbatan  yetkazilgan 
zararni  undirish  to‘g‘risidagi  da’vo  arizasi  bilan  Uchtepa  tumanlararo 
sudiga murojaat qilgan.  
 
Da’vogar  o‘zining  da’vo  arizasida  ko‘rsatishicha,  Chilonzor  tumani 
Farhod  ko‘chasida  “O‘zbekbirlashuv”  AJga  qarashli  avtomashinani 
boshqarib ketayotgan N. tomonidan yo‘l harakati qoidalari buzilib, uning 
mol mulkiga 500.000 so‘mlik zarar yetkazilgan. 
 
Uchtepa  tumanlararo  sudi  da’vogarning  da’vo  arizasini  qabul  qilish 
va  ishni  sudda  ko‘rishga  tayrlash  to‘g‘risida  ajrim  qabul  qildi.  Sud 
jarayonida  javobgar  “O‘zbekbirlashuv”  AJning  vakili  da’vo  arizasi 
sudlovga taalluqlilik qoidalariga rioya qilinmagan holda qabul qilinganini 
va  ish  javobgarning  joylashgan  joyidagi  sudda  qo‘zg‘atilishi  lozimligini 
ko‘rsatib, ishni Mirzo-Ulug‘bek tumanlararo sudiga o‘tkazish to‘g‘risidagi 
iltimosnoma  bilan  murojaat  qildi.  Uchtepa  tumanlararo  sudi  javobgar 
vakilining  iltimosnomasini  qanoatlantirishni  rad  etish  to‘g‘risida  ajrim 
qabul qildi.