Низомий номидаги тошкент давлат педагогика

 
Педагогик ишнинг ҳисоботи ва анализи 
 
Ҳаёт гурухдаги таълим тарбиявий жараённи тахлил қилишни, унинг сифат 
ва самарадорлигини аниқлашни талаб қилади. Машғулот аниқ болалар ва 
алоҳида олинган ҳар бир бола дастур материалини қaндай эгаллаганлиги 
(топшириқларни ҳамма уддаладими, ким уддалай олмади, сабаби нимада, бу 
болаларга татбиқан ҳаракатларнинг қандай индивидуал программасини 
мўлжаллаш, йўқ бўлган ва орқада қолган болаларга етишиб олишларида қандай 
ёрдам бериш, машғулотда болаларнинг активлиги қандай бўлганлиги) қайд 
этилади, болалар интеллектлари, хотиралари, идрокларида қандай силжишлар 
ташланганлиги, уларнинг ютуқлари ва муваффақиятсизликлари нималарда 
ифодаланганлиги, таълим тарбия жараёнини ўстирувчи ҳамда тарбияловчи 
аҳамият касб этган-этмаганлиги акс эттирилади.
Болаларнинг ютуқлари максимал даражада объектив баҳоланиши керак, 
чунки ҳақиқий аҳволни тахлил қилишгина мактабгача ёшдаги болаларга бундан 
кейин таълим ва тарбия бериш усулларини аниқлаш учун асос бера олади. 

---

125 
Шунинг учун тарбиячи фақат ўзининг таасуротларига асосланмаслиги, балки 
болалар фаолияти (расм, ясалган нарса, болалар ҳикоялари ва шу кабилар)нинг 
натижаларидан фойдаланиши лозим. Нималар эгалланмаганлиги, кимлар ва 
нима эгалланмаганлиги албатта ҳисобга олиниши керак. Масалан, 
кичкинтойларнинг нутқларини ўстириш ва уларга савод ўргатиш 
машғулотларидаги фаолиятларини анализ қилишда болаларнинг предмет ва 
ҳодисалар ҳақидаги билим ва тасаввурларининг cифaти, уларнинг нутқий 
кўникмалари, ифода воситаларидан фойдаланиш, сўз ясаш, сўзни ўзгартириш 
малакалари, сўзнинг товуш структурасини фарқлашнинг ривожланганлиги ва 
шу кабиларга эътибор бериш зарур.
Боланинг таълимда орқада қолиш сабаблари тахлил қилинар экан, 
тарбиячиларнинг ишларини кузатиш, уларга бу ҳодисалар сабабларини 
аниқлашларида кўмаклашиш, алоҳида-алоҳида ўқитишни уюштиришда ва 
болаларга индивидуал ёндашишни амалга оширишда фойдали маслаҳатлар 
бериши керак.
Умумий таълим ва ҳунар мактабининг ислоҳоти меҳнат таълимига доир 
ишларни яхшилашни назарда тутади. Янги дастурда болаларнинг меҳнати 
биринчи марта болалар фаолиятининг мустақил тури сифатида иккинчи кичик 
группадан бошлабоқ алоҳида бўлимга ажратилган. Шунинг учун ҳисоботда 
болаларда меҳнат кўникма ва малакалари, жамоа меҳнат малакаларининг 
ривожланиш даражасини қайд этиш лозим. Бундай тахлил тарбиячига 
педагогик жараённинг тафсилотини кўриш, ижобийлик ва камчиликларни 
объектив баҳолаш, асосли хулосалар чиқариш, ўз меҳнати маҳсулини кўриш ва 
унинг истиқболини белгилаш имконини беради. 
Педагогик масала 
Болалар 
боғчасининг 
мудираси 
эрталаб 
гурухларнинг 
ишга 
тайёргарлигини текшира туриб, битта тарбиячида математика машғулоти учун 
ҳамма материалнинг стол устида турганини кўрди. Навбатчилар геометрик 
шаклларни конвертларга солаяптилар, рангли қалам ва дафтарларнинг бор 
йўклигини текширдилар.
Иккинчи тарбиячи ўз ўрнида йўқ эди, у методик хонада санаш учун 
ўйинчоқлар танлаётган эди, кейин эса гурухда саноқ зиначасини қидирди. 
Учинчи тарбиячи эса машғулот учун материални тахлаётган эди, болалар бу 
вақтда ўйин билан машғул бўлдилар.
Саволлар:
1. Ҳap бир тарбиячининг ишга тайёргарлигини қандай баҳолайсиз?
2. Машғулотни ўтказишга тарбиячининг тайёргарлиги қандай бўлиши 
керак? У қачон амалга оширилади?