ƏLƏKBƏr MƏMMƏdov ceyhun yusifov iLqAr Seyfullayev vergİ

Vergİ VƏ TƏrƏqqİ

---

yəti  çatışmazlıqların aradan qaldırilmasına və nəticələrin sosial
ədalətin parametrlərinə uyğun olan ictimai optimuma yaxınlaş -
masına yönəldilir.
Dövlətin bazar mexanizminə təsirinin əsas istiqamətlərinə
aşağıdakıları aid etmək olar:
• Dövlət sahibkarlığı və ictimai istehsal. Bu halda dövlət ya
nemətlərin istehsalçısı kimi fəaliyyət göstərir, ya da müvafiq
sifarişləri  müqavilə əsasında özəl sektora yönəldir. Belə təşkilati
formada ictimai nemətlərin istehsalı (təhsil, tibbi xidmət, incəsə -
nət və mədəniyyət, məcburi dövlət sığortası və s.) rifaha daha
çox təsir göstərir. Belə ki, həmin nemətlərin dövlət tərəfin dən
istehsalı onların əhalinin bütün təbəqələri üçün əlçatanlığını və
vətəndaşların inkişafı üçün bərabər ilkin imkanları yaradır. 
• Gəlirlərin və sərvətin  təkrar bölgüsü (büdcə-maliyyə for -
ması) rifahın bazar mexanizmini ədalət barədə ictimai təsəvvür -
lərə uyğun olaraq korrektə edir.  Bir tərəfdən, əhalinin gəlirlərin
səviyyəsi üzrə diferensiasiya dərəcəsi azalır, digər tərəfdən isə
təhsil, səhiyyə və pensiya təminatı kimi sosial  proqramlar maliy -
yələşdirilir.
•  Pul  dövriyyəsinin  və  pul  kütləsinin  tənzimlənməsi.  Bu
yanaşmada dövlət əlçatan kreditləri təmin edərək rifaha təsir
etməklə yanaşı, inflyasiya proseslərinə nəzarət edərək əhalinin
əksəriyyəti üçün münasib olan “yaşayış dəyəri”ni  təmin etməyə
istiqamətlənir.
Deməli, dövlətin iqtisadi siyasətinin bütün elementləri sosial
aspektə malikdir və rifahın dövlət tənzimlənməsinin əsas aləti
məhz sosial siyasətdir.
86