O`zbekiston respublikasi sog`liqni saqlash vazirligi toshkent farmatsevtika instituti

3.1. Farmatsevtik mahsulotlarni ro‘yxatdan o‘tkazish  
Farmatsevtik mahsulotlarni ro‘yxatdan o‘tkazish quyidagi vazifalarni o‘z ichiga olgan: 
xuquqiy asosi, qayd etish siyosati, ro‘yxatdan o‘tkazish  talabnomasining turlari va xajmi, 
ro‘yxatdan o‘tkazish uchun tayyorlanadigan hujjatlarni rasmiylashtirishi bo‘yicha uslubiy 
ko‘rsatmalar,  ro‘yxatdan  o‘tkazish  jarayoni,  ro‘yxatdan  o‘tkazgandan  keyingi 
o‘zgartirishlar va ro‘yxatdan o‘tkazuvchi tashkilot. 
Bugungi  kunda  dori  vositalarini  qayd  etish  jarayoni  quyidagi  vazifalarni  o‘z  ichiga 
oladi: 
1.  qonuniy asoslari; 
2.  qayd etish siyosati; 
3.  ro‘yxatdan o‘tkazish uchun talabnoma turlari va ko‘rinishi; 
4.  qayd etish uchun to‘plangan hujjatlarni tayyorlash bo‘yicha uslubiy ko‘rsatmalar; 
5.  qayd etish jarayoni; 
6.  ro‘yxatdan o‘tgandan keyingi o‘zgartirishlar; 
7.  qayd etuvchi organ. 
Mazkur  ketma-ketliklarni  amalga  oshirishda  ma’lum  regional  va  milliy  farqlar  ham 
mavjud,  masalan,  Amerika,  Yevropa  va  boshqa  mustaqil  (Norvegiya,Avstraliya  va  b.) 
modellarni  olish  mumkin.  Ba’zi  davlatlarda  ushbu  jarayon  farmatsevtik  mahsulotlarni 
litsenziyalash,  ba’zilarida  –  ularni  sotish  uchun  yoki  olish  uchun  ruxsat  berish,  yoki 
maqullash    (AQSH)  deyiladi.  Yevropada  bu  jarayon  milliy  va  regional  bosqichlarda 
amalga oshiriladi va EH davlatlarining barchasiga taaluqli bo‘lib, uni mustaqil ekspertlar 
amalga oshiradi.