Oʻzbekiston respublikasi oliy va oʻrta maxsus ta’lim vazirligi toshkent moliya instituti

Osilish.  Baland  turnikdan  bu  holat  beistisno  hamma  mashq-larni  boshlash 
uchun  dastlabki  holatdir.  Osilishda  tananing  to‘g‘ri  holati  etarli  ko‘lamda 
tebranishni  boshlash  va  keyinchalik  siltanish  uchun  ayniqsa  muhimdir.  Osilish 
holatida  gimnastikachining  tanasi  maksimal  to‘g‘rilangan  bo‘lishi  kerak.  Bunga 
ko‘krak-o‘mrov  va  elka  bo‘g‘inidan  cho‘zilish,  shuningdek,  bel  qismidagi 
muskullarni  bo‘shashtirish  orqali  erishiladi.  Tirsak  bo‘g‘inlari  ham  to‘g‘rilangan 
lekin,  taranglashmagan  bo‘lishi  kerak.  Oyoqlar  tos-son  va  tizza  bo‘g‘inlaridan 
to‘g‘rilangan, oyoq uchlari cho‘zilgan va juftlashtirilgan bo‘ladi. Osilish holatiga 
quyida  bayon  etiladigan  ko‘rsatmalarga  rioya  qilgan  holda,  yaxlit  o‘rgatish  uslubi 
bilan o‘rgatish kerak. 
Tana  pastki  qismlarining  turli  holati  zarur  bo‘lgan  muskul  guruhlarini 
taranglatish  orqali  erishiladi,  bu  esa  tebranishlar  davomida  kam  saqlanadi.  Osilish 
holatida bukilish yoki yozilish (kerishish) taqiqlanadi. Ko‘pincha boshning noto‘g‘ri 
holati:  orqaga  yoki  oldinga  tashlash,  ko‘krakka  engashtirish  bu  hatoliklarga  sabab 
bo‘ladi. To‘g‘ri holatda bosh ham to‘g‘ri tutiladi va u qo‘llar orasida bo‘ladi.