15-маъруза моддалар алмашинувининг бошқарилиши режа

1. Пептидли гормонлар. Уларга полипептидлар киради. Улар бош 
миянинг (гипофиз) нейросекретор ҳужайраларида, ошқозон ости, 
қалқонсимон, жуфт қалқонсимон безларнинг маҳсулотлари ҳисобланади.
2. Стероидли гормонлар. Улар полициклик спиртларнинг ҳосила 
стеролларидир. Синтезланиш тухумдон, уруғдон ва буйрак усти безларида 
содир бўлади.
3. Бошқа гормонлар. Булар юқоридаги икки гуруҳга кирмайдиган 
гормонлар бўлиб, улар қалқонсимон, буйрак усти безларида, репродуктив 
аъзоларда ва бўлак тўқималарда синтезланади. 
Пептидли гормонлар структураси ва вазифаси. 
Гипоталамус гормонлари 
Гипоталамус гормонлари бутун организм, аъзо ва тўқималарнинг 
биологик вазифалари гуморал бошқарилишини амалга оширувчи физиологик 
фаол бирикмалардир. Гипоталамус гормонлари гипофиз гормонларининг 
синтезига таъсир қилади. Гипоталамус гормони молекулалари кичик бўлиб, 
уларнинг айримлари ажратилиб, кимѐвий структураси аниқланган. Масалан: 
тиролиберин таркиби жиҳатидан трипептид бўлиб, қуйидагича тузилган; 

---

 
Тиреолиберин 
 
Ушбу формуладан кўриниб турибдики, озод амина қисми йўқ, 
глутамин кислотанинг эркин амина гуруҳи 

– карбоксил ҳисобига ички амид 
ҳосил қилиб, цинклик структурага айланган. Бу гормон тиреотропиннинг 
ажралишини таъминлайди. 
Люлиберин – гипофизидан лютеинловчи гормонни ажралишини 
таъминловчи омил бўлиб, тузилиши жиҳатидан декапептид ҳисобланади. У 
10 та аминокислота қолдиғидан иборат. 
Соматостатин соматотропин гормонини ажралишини тўхтатади. Бу 
гормон тузилиши жиҳатдан циклик тетрадекапептид бўлиб, 14 та 
аминокислота қолдиғидан иборат занжир дисульфид боғи орқали 
мустаҳкамланади. Гипоталамус гормонларининг регуляцияси тескари тизим 
асосида, биогенли аминлар ва периферик безлар гормонларнинг иштирокида 
амалга ошади.