Budjet hisobi

Davlat budjeti taqchilligini moliyalashtirish manbalari tasnifi 
taqchillikni moliyalashtirishning ichki va tashqi manbalari bo‘yicha 
guruhlashdan iboratdir. Davlat budjeti taqchilligini moliyalashtirish manbalari 
tasnifi quyidagilardan tashkil topadi: 
−  bo‘lim; 
−  paragraf. 
Bo‘lim  –  davlat budjeti taqchilligini uni moliyalashtirish manbalari 
bo‘yicha guruhlanishidan iborat. 
Paragraf  -davlat budjeti taqchilligini moliyalashtirish turlari bo‘yicha 
guruhlardan iborat. 
Budjet tasnifining asosiy tamoyillari 
O‘zbekiston Respublikasi Budjet kodeksining 20-moddasida  Budjet 
tasnifining asosiy tamoyillari ko‘rsatib o‘tilgan. Unga ko‘ra, budjet  tasnifining 
asosiy tamoyillari to‘liqlik, yagonalik va o‘zaro muvofiqlikdan iboratdir.  
Budjet  tasnifining  to‘liqlik  tamoyili  budjet  jarayonining barcha 
                                                           
13
“Budget Classification” Davina Jacobs, Jean-Luc Hélis, and Dominique Bouley. December 2009. International 
Monetary FundFiscal Affairs DepartmentWashington, DC.USA 

---

 
30 
ishtirokchilari qamrab olinishini nazarda tutadi.  
Budjet  tasnifining yagonalik tamoyili  budjet  jarayonining barcha 
ishtirokchilari tomonidan yagona budjet tasnifi qo‘llanilishini anglatadi.  
Budjet  tasnifining  o‘zaro muvofiqligi tamoyili budjet  tasnifining kodlari 
bir vaqtning o‘zida budjet  jarayonining turli xil operatsiyalarini hisobga olish 
uchun qo‘llanilmasligini anglatadi. 
O‘zbekiston Respublikasi budjet kodeksida qayd etilgan “budjet tasnifi 
tizimi, hisob-budjet hujjatlari va budjet jarayoni tuzilishining yagonaligi” 
tamoyiliga muvofiq, barcha darajadagi budjetlarni shakllantirish va ijro etishda 
yagona budjet tasnifi qo‘llaniladi. Barcha darajadagi budjetlarning daromadlari 
va xarajatlari tasniflash ob’ektlariga tegishli raqam(kod)lar berish bilan 
guruhlanadi hamda tasnif ko‘rsatkichlari doirasida shakllantiriladi va ijro etiladi.