Rivojlantirish instituti j. J. Jalolov, I. A. Ahmedov, I. S. Hotamov korxona tashqi iqtisodiy

Tovar akkreditivi bo‘yicha hujjatlarni to‘lov uchun qabul
qilib olganlik to‘g‘risidagi xabarnoma — bank tovar akrreditivi
bo‘yicha hujjatlarni to‘lov uchun qabul qilib olganligini
bildiradigan hujjat.
Tovar akkreditivi bo‘yicha to‘lov o‘tkazilganligi haqidagi
xabarnoma — bank tovar akrreditivi bo‘yicha to‘lov
o‘tkazilganligi haqida xabar qiladigan hujjat.
Inkasso to‘lovi haqidagi xabarnoma — bank inkasso to‘lovi
o‘tkazilganligi haqida xabar qiladigan hujjat. Unda mablag‘larni
realizatsiya qilishning batafsil ma’lumotlari va usullari keltiriladi.
Bank kafolati — unga ko‘ra bank ushbu hujjatda ko‘rsatilgan
shartlarda aytilgan tarafga ko‘rsatilgan summani to‘lash
majburiyatini oladi. Inkasso ko‘rsatmasi — bu hujjat vositasida
moliyaviy va (yoki) tijorat hujjatlarini aksept olish va (yoki)
to‘lov o‘tkazish uchun qayta ishlash yoki unda ko‘rsatilishi
mumkin bo‘lgan hujjatlarni boshqa shartlarda taqdim etish
maqsadida bankka yo‘riqnoma yoki topshiriq beriladi.
Bank trattasi — uchinchi taraf foydasiga qo‘yiladigan tratta.
U bir bank tomonidan boshqasiga yoki bank bo‘limi tomonidan
markaziy bo‘limga yoxud shu bankning boshqa bo‘linmasiga
beriladi.