Rivojlantirish instituti j. J. Jalolov, I. A. Ahmedov, I. S. Hotamov korxona tashqi iqtisodiy

11.3. BAHOLARNI BELGILASH STRATEGIYASI
Marketingda baho siyosatini boshqarish firmalarning
o‘zlarining umumiy maqsadlariga muvofiq baholar bo‘yicha
barcha qoida, qonun va qarorlarni amalga oshirish bo‘yicha
kundalik faoliyatidir. Korxonalar baho belgilashda ikki xil:
yagona yoki o‘zgaruvchan baholar siyosatini qo‘llashlari
lozim. Yagona baho siyosatida marketolog bir xil tovarga
yagona baho belgilaydi. Bu baho barcha xaridorlarga har
qanday sharoitlarda bo‘lmasin, bir xil taklif etiladi.
O‘zgaruvchan baholar siyosatini o‘tkazish sharoitida bir xil
tovarning o‘zini turli iste’molchilarga bozor vaziyatiga qarab
har xil narxlarda sotish mumkin. Baholar oqibat natijada
iste’molchilarga ma’qul kelishi uchun korxona ulgurji va
chakana savdo doirasida baholarni boshqarish bo‘yicha
ma’lum tadbirlarni amalga oshiradi. Bu borada ruhiy baho
alohida ahamiyat kasb etadi. Bunday baho belgilash talabga
qarab bahoni boshqarish usuli hisoblanadi, bunda baho,
masalan, ming so‘m emas, balki 999 so‘m kabi yaxlitlanmagan
holda belgilanadi, ya’ni tovar go‘yo arzonroq ko‘rinadi.