Tayyorlash va ularning malakasini oshirishni tashkil etish bosh ilmiy metodik markazi toshkent axborot texnologiyalari universiteti

Bosib  chiqarish  qurilmalari  –  bosish  kurilmasi  yoki  printerlar  (inglizcha-

printer)  alfavit-raqamli  (matnli)  va  grafik  axborotni  qog‗ozga  tushirish  uchun 

mo‗ljallangan.  Bugungi  kunda  printerlar  uch  ko‗rinishda  ishlab  chiqarilmoqda: 

zarbli  printerlar  (literli,  matritsa  nuqtali  printerlar),  purkovchi  va  termografik  va 

elektrofotografik (lazerli). 

Zarbli printerlarning kamchiligi shundaki, ular shovqin bilan sekin ishlaydi, 

yutuq tomoni ularning arzonligida.  

Purkovchi  printerlar  shovqinsiz,  tez  ishlaydi,  bosib  chiqarishi  xam  yuqori 

sifatli,  ammo  katta  hajmdagi  matn,  grafik,  diagramma,  rasmlarni  bosib  chiqarish 

talab etilsa lazerli printer sotib olgan maqsadga muvofiq.  

Printerlarning asosiy texnik xususiyatlari :  

- 

harakat printsipi ;  

- 

rang imkoniyatlari ( oq qora yoki rangli printerlar ) 

- 

grafik imkoniyatlari yoki uning yo‗qligi ; 

- 

ruxsat berish ( hal etish ) qobiliyati ; 

- 

oldingi ko‗rsatkichlar bilan bog‗liq va uni boyituvchi bosish sifati ; 

- 

bosish tezligi ; 

- 

narxi ; 

 

Grafik axborotlarni bosib chiqarishda hal qilish qobiliyati 600 dpi dan  kam 

bo‗lmagan printer tanlash maqsadga muvofiq. 

Skaner  –  matnli  va  grafik  axborotlarni  kompyuter  xotirasiga  kirituvchi 

qurilma. U matnli va grafik axborotlarni kompyuter xotirasiga kirituvchi va ularni 

aniqlovchi  dasturiy  texnik  vositalarga  ega.  Bu  qurilma  yordamida  kompyuter 

xotirasiga  katta  hajmdagi  matnli  axborotlar  avtomatlashtirilgan  holda  kiritiladi  va 

bunda  mutaxassislar  ishi  ancha  osonlashadi,  ya‘ni  ular  axborotlarni  qo‗lda 

klaviatura  orqali  kiritishday  mashaqqatli  ishdan  ozod  bo‗ladilar.  Skanerlardan 

kutubxona  ishida  keng  foydalanilmoqda.  Jumladan,  to‗liq  matnli  ma‘lumotlar 

bazasini yaratish, kataloglar, manuskriptlar va boshqa grafik axborotlarni kiritishda 

skanerlar qo‗l kelmoqda.