Ўзбекистон республикаси олий ва ўрта маҳсус таълим вазирлиги

5.5. Метаморф тоғ жинслари 
Рангли метаморф тоғ жинсларига қуйидагилар киради: гнейслар, 
мармар, кварцитлар, сланец, асбест. Қурилишда кенг тарқалган асосий рангли 
метаморф жинсларнинг айримлари билан танишамиз. 
Гнейслар - гранит, кварц порфирлари ва айрим конгломератларнинг 
атмосфера таъсирида кўриниши ва хссалари ўзгарган, яхлит ёки юпқа 
жозибали, чиройли сланецлар қатламидан ташкил топган жинс. Гнейслар 
таркиби бўйича гранитга ўхшаш. Уларнинг зичлиги 2400-2800 кг/м
3
, 
сиқилишдаги мустаҳкамлик чегараси 120-200 МПа. Гнейслар ҳарсанг тош, 
бетон учун йирик тўлдирғич, йўлкалар учун қоплама плита сифатида 
ишлатилади. 
Мармар - кристалли калъцит доналаридан ташкил топган зич жинс. 
Мармарда слюда, дала шпати, кварц, темир оксиди ва кўмир бирикмалари ҳам 
бўлади. Тоза мармар оқ рангда, агар унда марганец ва темир бирикмаларининг 
аралашмалари бўлса, қизил, бинафша, қора ва кулрангда бўлади. Мармарнинг 
қаттиқлиги 3-4, сиқилишдаги мустаҳкамлик чегараси 80-300 МПа, зичлиги 
2600-2800 кг/м
3
. Мармарни арралаш, силлиқлаш ва пардозлаш қийин эмас. 
Аммо у кислоталар, атмосферадаги газлар ва карбонат сувлари таъсирида 
бузилади. Шу сабабли мармар бинонинг ички қисмини қоплашда, шунингдек, 
ҳайкалтарошликда, зинапоя ва пол плиталарини тайёрлашда мозаик бетонлар 
учун тўлдирғич сифатида кўп ишлатилади. 
Кварцит - ер қатламининг юқори босими остида майда кварц 
доналарининг кремний цементлари воситасида зичланишидан ҳосил бўлган 
зич, кристалл жинс. У табиатда оқ, қизил, кўкимтир, тўқ қизил рангларда 
учрайди. Сиқилишдаги мустаҳкамлик чегараси 400 МПа дан кам эмас. 
Зичлиги 2500-2700 кг/м
3
, қаттиқлиги 7 га тенг. Кварцит ўтга чидамли буюмлар 
тайёрлашда, шунингдек, безакли бетон учун чақиқ тош сифатида ишлатилади.
Асбест - серпантин гуруҳига кирувчи минерал бўлиб, уни майдаласа 
юпқа, ингичка эластик толаларга бўлинади. Асбест алангаланмайди. У ишқор 
таъсирига чидамли, толаси юқори мустаҳкамликка эга бўлган кўкимтир ва кул 
рангли ашё. Цемент, сув ва асбестни қориштирганда турли қурилиш қисмлари 
ва буюмларини қолиплашга яроқли бўладиган пластик қоришма ҳосил бўлади 
ва ундан асбестцемент буюмлари ишланади. 

---

5.2-расм. Ҳар хил рангдаги пардозбоп қоплама гранит плиткалар.