Qosimova R. A. Boltayev Z. B

11.2. Uslubiy mashg’ulotlar. 
O’tgan  bo’limda  amaliy  mashg’ulot  sifatida  I  sinfda 
o’tkaziladigan  jismoniy  tarbiya  darslaridan  (I-II-III-IV  choraklar  boshi) 
namunalar keltirilib, shu asosda boshqa turdagi darslarni tashkil etish va 
talabalarning  “O’qituvchi”  va  “O’quvchi”  vazifalarini  bajarish  tavsiya 
etildi.  
Bu  bo’limda  esa  II-III-IV  sinflarda  o’tkaziladigan  darslardan 
tanlab olingan namunalarni talabalarga taqsimlash va ular har bir darsda 
3-4  kishi  bo’lib,  dars  qismlarini  alohida  o’tkazish  usullarini  qo’llash 
zarur.  Chunki,  darsning  har  bir  qismi  (kirish,  tayyorgarlik,  asosiy  va 
yakunlovchi)  shakl  va  mazmun  hamda  maqsad  va  vazifa  yuzasidan 
o’ziga  xos  xususiyatlar,  murakkabliklarga  ega.  Shu  sababdan  talabalar 
bu  jarayonlarni  tashkil  qilishga  doir  asosiy  va  zarur  turlarni  tanlash, 
ularni  o’rgatish,  ijroni  to’g’ri  baholash  va  xulosalar  chiqarishni  yetarli 
darajada  o’zlashtirib  olishlari  lozim.  Bu  holatlarni  o’z  guruhidagi 
talabalar  ustida  o’tkazib,  ko’nikma  va  malaka  hosil  qilishga  qulay 
bo’ladi.  
Boshlang’ich  sinflarda  jismoniy  tarbiya  darslarini  tashkil 
qilishning amaliy va metodik yo’llarini o’rganish uchun ba’zi darslardan 
namunalar keltirildi.  
II sinf. I chorak (№ 9 dars).  

---

 
184 
Bir safga tizilish, tomonlarga qadamlab burilish. To’g’ri chiziq va 
kesishma  (diagonal),  doira  shaklida  yurish.  Sekin  va  tez  yugurish. 
Tayyorgarlik  qismda:  buyumlarsiz  umumrivojlantiruvchi  mashqlar 
(URM)  majmuasini  bajarish  doira  shaklida  tizilib,  qo’l,  yelka  va 
oyoqlarni  bukib,  yozib,  ko’tarib,  burilib,  aylantirib  mashqlarni 
takrorlash.